കോഴിക്കോട്: 'എടക്കല്‍ ദി റോക് 'മാജിക് ഡോക്യുമെന്ററി സെപ്റ്റംബര്‍ 17ന് കെ.പി കേശവമേനോന്‍ ഹാളില്‍ പ്രകാശനം ചെയ്യും. ചരിത്രകാരന്‍ ഡോ. എം.ജി.എസ് നാരായണന്‍ എം.ജി ശശിക്ക് സിഡി നല്‍കി പ്രകാശനം നടത്തും. ഡോ. എം.ആര്‍ രാഘവവാര്യര്‍ അധ്യക്ഷനാകും.
എടക്കല്‍ ഗുഹയിലെ നവീനശിലായുഗത്തിലേതെന്നു കരുതുന്ന കൊത്തുചിത്രങ്ങള്‍ക്ക് അന്തര്‍ദേശീയ പ്രാധാന്യമുണ്ട്. യുനെസ്‌കോയുടെ പൈതൃക പട്ടികയിലെത്തേണ്ടതാണ് എടക്കല്‍. പി.ടി സന്തോഷ്‌കുമാറാണ് രചനയും സംവിധാനവും. ഡോ. വിജയലക്ഷ്മി, കെ.പി ജിഷ എന്നിവരാണ് നിര്‍മാണം. പത്രസമ്മേളനത്തില്‍ പി.ടി സന്തോഷ്‌കുമാര്‍, ഡോ. വിജയലക്ഷ്മി, എന്‍.ബി രാജേഷ്, പ്രതീഷ് നാരായണന്‍ പങ്കെടുത്തു.