മനാമ: ബ്രസീലിയൻ പ്രതിനിധി സംഘത്തെ സ്വീകരിച്ച് ബഹ്‌റൈൻ. ബഹ്റൈൻ പ്രതിനിധി സഭാ സ്പീക്കർ അഹമ്മദ് ബിൻ സൽമാൻ അൽ മുസല്ലം, ബ്രസീലിയൻ ഫെഡറൽ സെനറ്റിലെ പബ്ലിക് സെക്യൂരിറ്റി കമ്മിറ്റി ചെയർമാൻ സെനറ്റർ ഫ്ലാവിയോ ബോൾസൊനാരോയുടെ നേതൃത്വത്തിലുള്ള ബ്രസീലിയൻ കോൺഗ്രസ് പ്രതിനിധി സംഘവുമായി കൂടിക്കാഴ്ച നടത്തി. 
പാർലമെന്ററി സഹകരണം ശക്തിപ്പെടുത്താനും സാമ്പത്തിക, നിക്ഷേപ മേഖലകളിലെ ബന്ധം വിപുലപ്പെടുത്താനും  യോഗത്തിൽ ചർച്ചയായി.

രാജാവ് ഹമദ് ബിൻ ഈസ അൽ ഖലിഫയുടെയും ബ്രസീൽ പ്രസിഡന്റ് ലൂയിസ് ഇന്നാസിയോ ലുല ദ സിൽവയുടെയും നേതൃത്വത്തിൽ ബഹ്റൈൻ ബ്രസീൽ ബന്ധം ശക്തമായി മുന്നേറുന്നതായി സ്പീക്കർ വ്യക്തമാക്കി. 2024 ജൂണിൽ ബഹ്റൈൻ പ്രതിനിധി സംഘം ബ്രസീൽ സന്ദർശിച്ചതോടെ പുതിയ സഹകരണ വഴികൾ തുറന്നതായും അദ്ദേഹം പറഞ്ഞു. 2
അതേസമയം  സെനറ്റർ ബോൾസൊനാരോ ഇരുരാജ്യങ്ങളും തമ്മിലുള്ള ശക്തമായ ബന്ധത്തെ അഭിനന്ദിക്കുകയും, പാർലമെന്ററി സഹകരണം ശക്തിപ്പെടുത്തുന്നതിൽ സ്പീക്കർ നടത്തിയ ശ്രമങ്ങൾക്ക് നന്ദി അറിയിക്കുകയും ചെയ്തു.

Bahrain’s Council of Representatives Speaker Ahmed bin Salman Al Musallam met a Brazilian Congress delegation led by Senator Flávio Bolsonaro to discuss strengthening parliamentary diplomacy and bilateral cooperation. Both sides highlighted strong Bahrain–Brazil ties, positive outcomes of reciprocal visits, and the importance of advancing joint projects.