കൂത്തുപറമ്പ്: ചിറ്റാരിപ്പറമ്പ് വട്ടോളിയിലെ വിവേകാനന്ദ സേവാകേന്ദ്രം വരാന്തയില്‍ ബോംബെന്ന് തോന്നിപ്പിക്കും വിധം കണ്ടെത്തിയ വസ്തു പൊലിസിനെയും സേവാകേന്ദ്രം പ്രവര്‍ത്തകരെയും വട്ടം കറക്കി. ഇന്നലെ രാവിലെ സേവാകേന്ദ്രത്തിലെത്തിയ പ്രവര്‍ത്തകരാണ് ബോംബെന്ന് തോന്നുന്ന വസ്തു കണ്ടത്. ഉടന്‍ കണ്ണവം സ്റ്റേഷനില്‍ വിവരമറിയിച്ചതിനെ തുടര്‍ന്ന് സ്ഥലത്തെത്തിയ പൊലിസ് വസ്തു കസ്റ്റഡിയിലെടുത്തു സ്റ്റേഷനിലേക്കു കൊണ്ടുപോയി. പരിശോധിച്ചപ്പോഴാണ് ചാക്കുനൂല്‍ കൊണ്ടുമാത്രം ചുറ്റിക്കെട്ടിയ വസ്തുവാണ് ഇതെന്നും സ്‌ഫോടകവസ്തുവല്ലെന്നും മനസിലായത്.