വടക്കാഞ്ചേരി: ചെറുപ്പക്കാരെ തോല്‍പിക്കുന്ന കലാപരിപാടികളും ആരവവുമായി വയോധികരുടെ ഓണാഘോഷം. കേരള സ്റ്റേറ്റ് സര്‍വിസ് പെന്‍ഷനേഴ്‌സ് യൂനിയന്‍ വടക്കാഞ്ചേരി ബ്ലോക്ക് സാക്ഷരതാ സമിതിയുടെ നേതൃത്വത്തില്‍ നടന്ന ഓണ മഹോത്സവമാണ് ഏറെ വര്‍ണാഭമായത്. കൈകൊട്ടി കളി, ഒപ്പന, മോഹിനിയാട്ടം, കഥാ പ്രസംഗം, സംഘഗാനം, മിമിക്രി, ഓണക്കവിതകള്‍, നാടന്‍ പാട്ടുകള്‍, ഓണപാട്ടുകള്‍, പ്രച്ഛന്ന വേഷം, ടാബ്ലോ എന്നിവയായിരുന്നു പ്രധാന കലാപരിപാടികള്‍. ജില്ലാ സെക്രട്ടറി കെ.ആര്‍ പ്രഭാശങ്കര്‍ ഉദ്ഘാടനം ചെയ്തു. ഒ.ആര്‍ സോമശേഖരന്‍, സി.ആര്‍ രാധാകൃഷ്ണന്‍, ഇ.വി ദശരഥന്‍, വിജയാദേവി, പി.എം മറിയം പ്രസംഗിച്ചു.