റിയാദ്: വിശുദ്ധ റമദാൻ മാസത്തോടനുബന്ധിച്ച് സഊദി അറേബ്യയിലെ വിവിധ പ്രവിശ്യകളിൽ സ്കൂൾ പ്രവൃത്തിസമയങ്ങളിൽ മാറ്റം. റിയാദ്, മക്ക, അൽ-ബാഹ എന്നിവിടങ്ങളിൽ രാവിലെ 9 മണിക്ക് ക്ലാസുകൾ ആരംഭിക്കും. മുതിർന്നവർക്കുള്ള വൈകുന്നേരത്തെ ക്ലാസുകൾ രാത്രി 9 മണിക്കും മക്കയിൽ 9:30നും തുടങ്ങും. ഖസീം മേഖലകളിൽ രാവിലെ 10 മണിക്ക് ക്ലാസുകൾ ആരംഭിക്കും. അധ്യാപകരും ജീവനക്കാരും ക്ലാസ് തുടങ്ങുന്നതിന് 15 മിനിറ്റ് മുമ്പ് റിപ്പോർട്ട് ചെയ്യണം. മുതിർന്നവർക്കുള്ള ക്ലാസുകൾ രാത്രി 9:30ന് ആരംഭിക്കും. കിഴക്കൻ പ്രവിശ്യ, തബൂക്ക്, അൽ-ജൗഫ് മേഖലകളിൽ രാവിലെ 9:30നാണ് സ്കൂൾ സമയം നിശ്ചയിച്ചിരിക്കുന്നത്.

ALSO READ: തീർത്ഥാടക ലക്ഷങ്ങൾക്ക് തടസ്സമില്ലാത്ത സേവനം; മക്കയിലും മദീനയിലും വൻ സജ്ജീകരണങ്ങൾ

വൈകുന്നേരത്തെ ക്ലാസുകൾ രാത്രി 9 മണിക്ക് ആരംഭിക്കും. അൽ-ബാഹ പ്രവിശ്യയിൽ ഓരോ പിരീഡും 35 മിനിറ്റായി നിജപ്പെടുത്തിയിട്ടുണ്ട്. മക്കയിലെ വിദ്യാഭ്യാസ വകുപ്പ് ജീവനക്കാരുടെ ജോലി സമയം റമദാനിൽ പ്രതിദിനം അഞ്ച് മണിക്കൂറായിരിക്കും (രാവിലെ 10 മുതൽ ഉച്ചയ്ക്ക് 3 വരെ). റമദാന്റെ ഒരുക്കങ്ങളുമായി ബന്ധപ്പെട്ട് ഈ സമയക്രമം വിദ്യാർഥികൾക്കും, സ്കൂൾ അധികൃതർക്കും, അധ്യാപകർക്കും വ്രതാനുഷ്ഠാനത്തിന് തടസ്സമില്ലാതിരിക്കാൻ സഹായകരമാണെന്ന് മന്ത്രാലയം വ്യക്തമാക്കി.

Saudi Arabia announces revised school schedules for Ramadan 1447. Classes to start at 9:00 AM, 9:30 AM, or 10:00 AM across different regions including Riyadh, Makkah, and the Eastern Province to accommodate fasting students and staff.