മദീന: പ്രവാചകൻ മുഹമ്മദ് നബിയുടെ മക്കയിൽ നിന്നുള്ള ചരിത്രപ്രധാനമായ പലായന പാത അടുത്തറിയാൻ സന്ദർശകർക്ക് അവസരമൊരുക്കുന്ന 'അലാ ഖുത' പദ്ധതിയ്ക്ക് തുടക്കമായി. മദീന ഗവർണർ സൽമാൻ ബിൻ സുൽത്താൻ രാജകുമാരനാണ് പദ്ധതിയുടെ ഉദ്ഘാടനം നിർവഹിച്ചത്. ഹിജ്‌റയുടെ ചരിത്രപരമായ പ്രാധാന്യം സന്ദർശകർക്ക് വിവരിച്ചുകൊടുക്കുക, പ്രവാചക ജീവിതത്തെക്കുറിച്ചുള്ള അവബോധം വളർത്തുക, നീതി, കാരുണ്യം, സഹിഷ്ണുത, സഹവർത്തിത്വം എന്നിവ ലോകത്തിന് മുന്നിൽ പ്രദർശിപ്പിക്കുക തുടങ്ങിയവയാണ് ലക്ഷ്യമിടുന്നത്.

ALSO READ: ഉംറ തീർഥാടകർക്ക് ആശ്വാസം; 3,662 സർവിസുകൾ നടത്താൻ വമ്പൻ പദ്ധതിയുമായി സഊദി റെയിൽവേ

പദ്ധതിയുടെ ആദ്യ ഘട്ടത്തിൽ 10 ലക്ഷം സന്ദർശകരെയാണ് പ്രതീക്ഷിക്കുന്നത്. 2030 ഓടെ ഇത് 50 ലക്ഷമായും പിന്നീട് ഒരു കോടിയായും വർദ്ധിപ്പിക്കും. സഊദി വിഷൻ 2030ന്റെ ഭാഗമായി ചരിത്രപ്രധാനമായ സ്ഥലങ്ങൾ സംരക്ഷിക്കുന്നതിനും സന്ദർശകരുടെ ആത്മീയവും സാംസ്‌കാരികവുമായ അനുഭവം മെച്ചപ്പെടുത്തുന്നതിനുമുള്ള സുപ്രധാന നീക്കമാണിതെന്ന് ​ഗവർണർ വ്യക്തമാക്കി. 

Madinah Governor Prince Salman bin Sultan inaugurates the 'Ala Khutah' (In His Footsteps) project. The initiative allows visitors to trace Prophet Muhammad’s historic Hijrah route, aiming to enrich spiritual experiences and attract 10 million visitors by 2030.