റിയാദ്: റമദാൻ മാസത്തിൽ മക്കയ്ക്കും മദീനയ്ക്കുമിടയിൽ സർവിസ് നടത്തുന്ന ഹറമൈൻ ഹൈസ്പീഡ് റെയിൽവേ വിപുലമായ ഒരുക്കങ്ങൾ പൂർത്തിയാക്കി. ഇത്തവണത്തെ റമദാൻ സീസണിൽ 3,662 സർവിസുകളിലായി 1.7 ദശലക്ഷത്തിലധികം യാത്രക്കാരെയാണ് റെയിൽവേ പ്രതീക്ഷിക്കുന്നത്. ഉംറ തീർഥാടകരുടെ തിരക്ക് പരി​ഗണിച്ച് 100ലധികം സർവിസുകൾ നടത്താനാണ് റെയിൽവേ അധികൃതർ തീരുമാനിച്ചിരിക്കുന്നത്. ട്രെയിനുകളുടെ എണ്ണം കൂട്ടാനും യാത്രാസൗകര്യങ്ങൾ മെച്ചപ്പെടുത്താനുമുള്ള നടപടികൾ പൂർത്തിയായി കഴിഞ്ഞു. യാത്രാ ശേഷി വർദ്ധിപ്പിക്കുന്നതിന്റെ ഭാ​ഗമായി സ്പാനിഷ് കമ്പനിയായ ടാൽഗോയിൽ നിന്ന് 20 പുതിയ ട്രെയിനുകൾ വാങ്ങാനും കരാറായിട്ടുണ്ട്.

ALSO READ: ഹലാൽ മേഖലയിൽ സഹകരണം ശക്തമാക്കാൻ സഊദിയും തായ്‌ലൻഡും; മക്കയിൽ സുപ്രധാന കരാറിൽ ഒപ്പുവച്ചു

2028നും 2031നും ഇടയിൽ സർവിസിനെത്തുമെന്നാണ് റിപ്പോർട്ട്. മണിക്കൂറിൽ 300 കിലോമീറ്റർ വേഗതയിൽ സഞ്ചരിക്കുന്ന ഈ ട്രെയിൻ ലോകത്തിലെ തന്നെ ഏറ്റവും വേഗതയേറിയ ട്രെയിനുകളിൽ ഒന്നായിരിക്കും. മക്കയെയും മദീനയെയും ജിദ്ദ, കിങ് അബ്ദുല്ല ഇക്കണോമിക് സിറ്റി എന്നിവയുമായി ബന്ധിപ്പിക്കുന്ന 453 കിലോമീറ്റർ നീളമുള്ളതാണ് ഈ റെയിൽവേ പാത. സഊദി വിഷൻ 2030ന്റെ ഭാഗമായി തീർഥാടകർക്ക് മികച്ച യാത്രാനുഭവം നൽകാനാണ് റെയിൽവേയുടെ ശ്രമം.

Haramain High-Speed Railway prepares for a busy Ramadan season with over 3,662 trips scheduled for 1.7 million passengers. Saudi Arabia Railways (SAR) plans 100+ daily trips and announces the purchase of 20 new Talgo trains to boost future capacity.