ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. ഇപ്പോൾ റൊണാൾഡോയുടെ സ്ഥാനം എവിടെയാണെന്ന് തുറന്നു പറഞ്ഞിരിക്കുകയാണ് മുൻ റയൽ മാഡ്രിഡ് പരിശീലകൻ ഫാബിയോ കാപ്പല്ലോ. പ്രതിഭയുടെ കാര്യത്തിൽ റൊണാൾഡോയെക്കാൾ മുന്നിൽ ലയണൽ മെസി, ഡീഗോ മറഡോണ, റൊണാൾഡോ നസാരിയോ എന്നിവരുണ്ടെന്നാണ് മുൻ റയൽ പരിശീലകൻ പറഞ്ഞത്. ഈജിപ്ഷ്യൻ മാധ്യമം  ഓൺ സ്പോർട്ടിന്റെ ഹാട്രിക് പരുപാടിയിൽ സംസാരിക്കുകയായിരുന്നു ഫാബിയോ കാപ്പല്ലോ. 

''ക്രിസ്റ്റ്യാനോ ഒരു മികച്ച ഗോൾ സ്കോററും അവിശ്വസനീയമായ ഒരു കായിക താരവുമാണ്. എന്നാൽ അദ്ദേഹത്തിന് മെസി, മറഡോണ, റൊണാൾഡോ നാസാരിയോ എന്നിവരുടെ പ്രതിബായില്ല. മറ്റുള്ളവർക്ക് ഉണ്ടായിരുന്ന പ്രതിഭ റൊണാൾഡോയിൽ ഇല്ല. അദ്ദേഹത്തെ ആ മൂന്ന് താരങ്ങളുമായി താരതമ്യം ചെയ്യാൻ സാധിക്കില്ല'' മുൻ റയൽ മാഡ്രിഡ് പരിശീലകൻ പറഞ്ഞു. 

നിലവിൽ റൊണാൾഡോ സഊദി പ്രൊ ലീഗ് ക്ലബായ അൽ നസറിന്റെ താരമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. ഇതിനോടകം തന്നെ റൊണാൾഡോയുടെ ഗോൾ നേട്ടം 961 ആയി ഉയർന്നിട്ടുണ്ട്. 39 ഗോളുകൾ കൂടി നേടാൻ സാധിച്ചാൽ ഫുട്ബോളിൽ ആയിരം ഗോളുകൾ എന്ന നാഴികക്കല്ലിലേക്ക് നടന്നു കയറാനും റൊണാൾഡോക്ക് സാധിക്കും. 

Who is the best player between Cristiano Ronaldo and Lionel Messi has been a hotly debated topic in the world of football for two decades. Now, former Real Madrid coach Fabio Capello has opened up about Ronaldo's place. The former Real Madrid coach said that Lionel Messi, Diego Maradona and Ronaldo Nazario are ahead of Ronaldo in terms of talent.