മാവൂര്‍: വിദ്യാര്‍ഥികള്‍ യാത്രാപ്രശ്‌നം നേരിടുന്ന മാവൂര്‍ ഗവ. ഹയര്‍ സെക്കന്‍ഡറി സ്‌കൂളിന് രാജ്യസഭാ എം.പി കെ.കെ  രാഗേഷിന്റെ പ്രാദേശിക വികസന ഫണ്ടില്‍നിന്ന് അനുവദിച്ച സ്‌കൂള്‍ ബസിന്റെ ഉദ്ഘാടനം അഡ്വ. പി.ടി.എ. റഹീം എം.എല്‍.എ നിര്‍വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടേങ്ങാട്ട് അധ്യക്ഷയായി. ഗ്രാമ പഞ്ചായത്ത് പ്രസിഡന്റ് സി. മുനീറത്ത്, വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ കെ. കവിതാഭായ്, ബ്ലോക്ക് പഞ്ചായത്ത് അംഗം രവി പനോളി, ഗ്രാമ പഞ്ചായത്ത് അംഗങ്ങളായ രാജി ചെറുതൊടികയില്‍, സുരേഷ് പുതുക്കുടി, വിവിധ പാര്‍ട്ടികളെ പ്രതിനിധീകരിച്ച് കെ.പി. ചന്ദ്രന്‍, വി.എസ്. രഞ്ജിത്, കെ. ശശികുമാര്‍, എന്‍.പി അഹമദ്, പി.ടി.എ വൈസ് പ്രസിഡന്റ് കെ. ചന്ദ്രന്‍, പ്രിന്‍സിപ്പല്‍ ടി.എം ശൈലജാദേവി, സ്‌കൂള്‍ ചെയര്‍മാന്‍ ടി. ശ്രീരാഗ്, ടി.കെ മജീദ്, ഹെഡ്മാസ്റ്റര്‍ കെ.ജി. മനോഹരന്‍,  ലീഡര്‍ പി. റിച്ചൂസ് സംസാരിച്ചു.