വെട്ടത്തൂര്‍: ആദിവാസി കുരുന്നുകളോടൊപ്പം മണ്ണാര്‍മല വിദ്യാപോഷിണി ഗ്രന്ഥാലയം പ്രവര്‍ത്തകരുടെ ഓണാഘോഷം. ആദിവാസി കുട്ടികള്‍ താമസിച്ച് പഠിക്കുന്ന പെരിന്തല്‍മണ്ണ സായി സ്‌നേഹ തീരത്ത് എത്തിയാണ് പ്രവര്‍ത്തകര്‍ സദ്യയൊരുക്കി ഓണമാഘോഷിച്ചത്. ഗ്രന്ഥാലയം പ്രസിഡന്റ് കെ.ജാഫര്‍ ഉദ്ഘാടനം ചെയ്തു. സെക്രട്ടറി കെ.മുഹമ്മദ് എന്ന മമ്മു അധ്യക്ഷനായി. സിവില്‍ സര്‍വീസ് ഫുട്‌ബോളില്‍ ജില്ലാ ടീമംഗമായി തെരഞ്ഞെടുത്ത അബ്ദുല്‍ ഖാദറിനെ ആദരിച്ചു.  ഡോ.പി.വി അരുണ്‍, കെ.ടി യൂസഫ്, കെ.അലി, ജയപ്രഭ, കെ.നൗഷാദ്, കെ.ശരീഫ്, കെ.ആര്‍ രവി, ഫിറോസ് കാരാടന്‍ സംസാരിച്ചു.