കൊല്ലം: മണിക്കൂറുകള്‍ മാത്രം നീണ്ടുനിന്ന ആദ്യ വേനല്‍മഴയില്‍ തന്നെ പുതുതായി നിര്‍മ്മിക്കുന്ന ദേശീയപാത വെള്ളക്കെട്ടില്‍ മുങ്ങി. കൊട്ടിയം, പാറക്കുളം ഭാഗങ്ങളില്‍ സര്‍വീസ് റോഡുകള്‍ തോടുകളായി മാറിയതോടെ വാഹനയാത്രക്കാര്‍ ദുരിതത്തിലായി. ഇതിനിടെ, മേല്‍പ്പാലങ്ങളില്‍ രൂപപ്പെട്ട വിള്ളലുകള്‍ കരാര്‍ കമ്പനി രാത്രിയോടുരാത്രി ടാറിട്ട് അടച്ചതായും ആക്ഷേപം ഉയര്‍ന്നു.

കൊട്ടിയം കിംസ് ആശുപത്രിക്ക് മുന്നിലും പാറക്കുളം ഭാഗത്തും വെള്ളക്കെട്ട് രൂക്ഷമാണ്. മേല്‍പ്പാലത്തില്‍ നിന്നുള്ള വെള്ളം പൈപ്പുകള്‍ വഴി നേരിട്ട് സര്‍വീസ് റോഡിലേക്ക് ഒഴുക്കിവിടുന്നതാണ് പ്രതിസന്ധിക്ക് കാരണം. പാറക്കുളത്തും കൊട്ടിയത്തും ആര്‍.ഇ (RE) വാളിന്റെ വിടവുകളിലൂടെ വെള്ളം ചോരുകയും മേല്‍പ്പാലത്തില്‍ വലിയ വിള്ളലുകള്‍ രൂപപ്പെടുകയും ചെയ്തിരുന്നു. ഇതില്‍ ശാസ്ത്രീയ പഠനം നടത്തുന്നതിന് പകരം കരാര്‍ കമ്പനി രാത്രിയില്‍ ടാറിട്ട് വിള്ളലുകള്‍ മൂടുകയായിരുന്നു.

 ALSO READ: കാട്ടാക്കടയിലെ രണ്ടരവയസ്സുകാരിയുടെ മരണം: ചികിത്സാപ്പിഴവെന്ന് കുടുംബം; ന്യൂമോണിയയെന്ന് പ്രാഥമിക പോസ്റ്റ്‌മോർട്ടം റിപ്പോർട്ട്

 ജില്ലാ കലക്ടറും ജനപ്രതിനിധികളും നല്‍കിയ ഉറപ്പുകള്‍ ലംഘിച്ചാണ് കരാര്‍ കമ്പനിയുടെ ഈ രഹസ്യനീക്കം നടന്നതെന്ന് നാട്ടുകാര്‍ ആരോപിക്കുന്നു. ഓടകള്‍ നിര്‍മ്മിച്ചിട്ടുണ്ടെങ്കിലും അവ ഫലപ്രദമല്ലാത്തതിനാല്‍ റോഡില്‍ വെള്ളം കെട്ടിനില്‍ക്കുകയും കിലോമീറ്ററുകളോളം ഗതാഗതക്കുരുക്ക് ഉണ്ടാവുകയും ചെയ്യുന്നു. ദേശീയപാത പൂര്‍ത്തിയാകുന്നതോടെ വെള്ളക്കെട്ടിന് പരിഹാരമുണ്ടാകുമെന്ന് കരുതിയവര്‍ക്ക് വലിയ നിരാശയാണുണ്ടായിരിക്കുന്നത്. മഴക്കാലം ശക്തമാകുന്നതിന് മുന്‍പ് ഓടകള്‍ പുനഃക്രമീകരിക്കുകയും പാലത്തിന്റെ സുരക്ഷ ഉറപ്പുവരുത്തുകയും വേണമെന്നാണ് ഉയരുന്ന ആവശ്യം.

The newly constructed National Highway in Kollam faced severe waterlogging after the first summer rain, with service roads in Kottiyam and Parakkulam becoming impassable. Allegations have also surfaced against the contracting company for secretly filling cracks on the flyover with tar at night, ignoring calls for a scientific safety audit and public concerns.