കൊച്ചി: കൊച്ചി മെട്രോയില്‍ ഇന്ന് രാവിലെ ഉണ്ടായ സാങ്കേതിക തകരാര്‍ യാത്രക്കാരെ വലച്ചു. രാവിലെ എട്ടു മണിയോടെ കലൂരില്‍ വച്ച് ട്രെയിന്‍ പണിമുടക്കിയതോടെയാണ് മെട്രോ സര്‍വീസുകള്‍ പ്രതിസന്ധിയിലായത്. തിരക്കേറിയ സമയത്തുണ്ടായ ഈ തടസ്സം ജോലിക്കു പോകുന്നവര്‍ക്കും വിദ്യാര്‍ഥികള്‍ക്കും വലിയ ബുദ്ധിമുട്ടാണ് ഉണ്ടാക്കിയത്. തകരാറിലായ ട്രെയിന്‍ മറ്റൊരു എഞ്ചിന്‍ ഉപയോഗിച്ച് മുട്ടം യാര്‍ഡിലേക്ക് മാറ്റാനുള്ള ശ്രമങ്ങളാണ് കൊച്ചി മെട്രോ അധികൃതര്‍ (KMRL) ഇപ്പോള്‍ നടത്തിവരുന്നത്.

നിലവില്‍ സുരക്ഷാ മുന്‍കരുതലിന്റെ ഭാഗമായി എല്ലാ ട്രെയിനുകളും മണിക്കൂറില്‍ പത്ത് കിലോമീറ്റര്‍ എന്ന പരിമിതമായ വേഗതയിലാണ് സര്‍വീസ് നടത്തുന്നത്. സാങ്കേതിക പ്രശ്‌നം നേരിട്ട ട്രെയിന്‍ മുട്ടം യാര്‍ഡില്‍ എത്തിച്ചുകഴിഞ്ഞാല്‍ സര്‍വീസുകള്‍ സാധാരണ നിലയിലാകുമെന്ന് അധികൃതര്‍ അറിയിച്ചു. ഏകദേശം അരമണിക്കൂറിനുള്ളില്‍ പ്രശ്‌നം പൂര്‍ണമായും പരിഹരിക്കാന്‍ സാധിക്കുമെന്നാണ് കെഎംആര്‍എല്‍ നല്‍കുന്ന ഔദ്യോഗിക വിവരം.

Kochi Metro services faced a temporary disruption after a train developed a technical fault near Kaloor station at 8:00 AM, forcing all trains to operate at a restricted speed of 10 km/h until the affected unit is moved to the Muttom yard.