മൂന്നു പേര്‍ക്കു പരുക്ക്
ഇരിട്ടി: പുന്നാട് നിയന്ത്രണം വിട്ട കാര്‍ റോഡരികിലെ കാനയിലേക്കു മറിഞ്ഞു മൂന്നു പേര്‍ക്ക് പരുക്കേറ്റു. കുശാല്‍ നഗര്‍ സ്വദേശികളായ ജോസ്(48), സാലി (45), ഫിലോമിന (16) എന്നിവര്‍ക്കാണു പരുക്കേറ്റത്.
ഇവരെ ഇരിട്ടിയിലെ സ്വകാര്യാശുപത്രിയില്‍ പ്രവേശിപ്പിച്ചു. കര്‍ണാടകയിലെ കുശാല്‍ നഗറില്‍ നിന്നു എറണാകുളത്തെത്തി ഒരു വിവാഹത്തില്‍ പങ്കെടുത്തു തിരിച്ചു നാട്ടിലേക്കു മടങ്ങുകയായിരുന്ന അഞ്ചംഗ കുടുംബം സഞ്ചരിച്ച ബൊലോറോ കാര്‍ ആണ് അപകടത്തില്‍പെട്ടത്.
ഇരിട്ടി മട്ടന്നൂര്‍ റോഡില്‍ ഇന്നലെ രാവിലെ അഞ്ചു മണിയോടെയായിരുന്നു  അപകടം. ആരുടെയും പരുക്ക് ഗുരുതരമല്ല.