ഹൊസങ്കടി: കടമ്പാറില്‍ വിദ്യാര്‍ഥികളടക്കം മൂന്നു പേര്‍ക്ക് വളര്‍ത്തു നായയുടെ കടിയേറ്റു. കടമ്പാറിലെ ഗാണ്ടിച്ചാല്‍ ഹുസൈനാര്‍ (32), കടമ്പാര്‍ സ്‌കൂളിന് സമീപത്തെ സൈഫുദ്ദീന്‍ (13), ഖാദര്‍ വഫീല്‍(12) എന്നിവര്‍ക്കാണ് നായയുടെ കടിയേറ്റത്.
കടമ്പാര്‍ സ്‌കൂളിന് സമീപത്തെ ഒരു വീട്ടില്‍ വളര്‍ത്തുന്ന നായയാണ് ചങ്ങലപൊട്ടിച്ച് പുറത്തിറങ്ങി ഇവരെ കടിച്ചത്. നടന്നുപോകുന്നതിനിടെയാണ് ഹുസൈനാറിനെ നായ കടിച്ചത്. കൈക്ക് പരുക്കേറ്റ ഹുസൈനാറിനെ മംഗളുരുവിലെ ആശുപത്രിയില്‍ പ്രവേശിപ്പിച്ചു. വീടിന് സമീപം വച്ചാണ് വഫീലിന് കടിയേറ്റത്. കാലിനാണ് പരുക്ക്. അതിനിടെ വീട്ടിലേക്ക് നടന്നുപോവുകയായിരുന്ന സൈഫുദ്ദീനേയും നായ കടിച്ചു.