മസ്കത്ത് : മേഖലയിലെ  പ്രാദേശിക സാഹചര്യങ്ങളുടെ പശ്ചാത്തലത്തിൽ എല്ലാ മാധ്യമ പ്ലാറ്റ്ഫോമുകളും വാർത്താ അക്കൗണ്ടുകളും ജാഗ്രത പുലർത്തണമെന്ന്  ഒമാൻ വിവര മന്ത്രാലയം അറിയിച്ചു.

വിവരങ്ങൾ ഔദ്യോഗിക സ്രോതസുകളിൽ നിന്ന് മാത്രമേ സ്വീകരിക്കാവൂ എന്നും അഭ്യൂഹങ്ങളോ സ്ഥിരീകരിക്കാത്ത ഉള്ളടക്കങ്ങളോ പ്രചരിപ്പിക്കുന്നത് ഒഴിവാക്കണമെന്നും മന്ത്രാലയം വ്യക്തമാക്കി. കൂടാതെ ഔദ്യോഗികമല്ലാത്ത വൃത്തങ്ങളിൽ നിന്നുള്ള ചിത്രങ്ങളും വീഡിയോകളും ഉപയോഗിക്കുന്നത് ഒഴിവാക്കണമെന്നും അധികൃതർ നിർദേശിച്ചു. 

നിലവിലെ സാഹചര്യത്തിൽ വാർത്താ റിപ്പോർട്ടിംഗിൽ കൃത്യതയും ഉത്തരവാദിത്തബോധവും അത്യാവശ്യമാണെന്നും മന്ത്രാലയം കൂട്ടിച്ചേർത്തു. രാജ്യത്തിന്റെ സുരക്ഷയും സ്ഥിരതയും ഉറപ്പാക്കുന്നതിൽ മാധ്യമങ്ങളുടെ പങ്ക് നിർണായകമാണെന്നും പ്രസ്താവനയിൽ അധികൃതർ വ്യക്തമാക്കി.

Oman’s Ministry of Information has urged all media platforms and social media users to rely solely on official sources amid rapidly changing regional developments. The ministry warned against spreading rumours, using unverified content, or engaging in sensational coverage, stressing the importance of accuracy and responsibility.