ദുബൈ: യു.എ.ഇയില്‍ ഇന്നു മുതല്‍ വെള്ളിയാഴ്ച വരെ കാലാവസ്ഥയില്‍ മാറ്റമുണ്ടാകുമെന്നും മഴയ്ക്കും പൊടിക്കാറ്റിനും സാധ്യതയുണ്ടെന്നും ദേശീയ കാലാവസ്ഥാ നിരീക്ഷണ കേന്ദ്രം (എന്‍.സി.എം) അറിയിച്ചു. ഇന്ന് രാജ്യത്തെ തീരദേശ, കിഴക്കന്‍, തെക്കന്‍ പ്രദേശങ്ങളില്‍ ഭാഗികമായി മേഘാവൃതമായ കാലാവസ്ഥയ്ക്കും നേരിയതോ മിതമായതോ ആയ മഴയ്ക്കും സാധ്യതയുണ്ട്. താപനില ഉയരുമെന്നും രാത്രിയോടെ മൂടല്‍മഞ്ഞിന് സാധ്യതയുണ്ടെന്നും അറിയിപ്പിലുണ്ട്. 
ചൊവ്വാഴ്ച തെക്കന്‍ പ്രദേശങ്ങളില്‍ നേരിയ മഴ ലഭിച്ചേക്കും. കാറ്റ് ശക്തമാകുന്നതിനാല്‍ പൊടിക്കാറ്റിന് സാധ്യതയുണ്ട്. ഉച്ചയോടെ കടല്‍ പ്രക്ഷുബ്ധമാകാനും സാധ്യതയുണ്ടെന്ന് മുന്നറിയിപ്പില്‍ പറയുന്നു.
ബുധനാഴ്ചയോടെ കാലാവസ്ഥ കൂടുതല്‍ മോശമാകും. ശക്തമായ കാറ്റ് വീശുന്നത് കാഴ്ചാപരിധിയെ ബാധിച്ചേക്കാം. ഈ സമയങ്ങളില്‍ കടല്‍ അതിപ്രക്ഷുബ്ധമാകും.
വ്യാഴം, വെള്ളി ദിവസങ്ങളില്‍ ഭാഗികമായി മേഘാവൃതമായ കാലാവസ്ഥയായിരിക്കും. പൊടിക്കാറ്റ് തുടരുമെങ്കിലും കടലിലെ അവസ്ഥ മിതമായ നിലയിലാകുമെന്നും ദേശീയ കാലാവസ്ഥാ നിരീക്ഷണ കേന്ദ്രം വ്യക്തമാക്കി.

ALSO READ: 500 ദിര്‍ഹം പിഴ, നാല് ട്രാഫിക് പോയിന്റ്, വാഹനം കണ്ടുകെട്ടും; അബൂദബിയില്‍ അനുമതിയില്ലാതെ ആഹ്ലാദപ്രകടനങ്ങള്‍ പാടില്ലെന്ന് മുന്നറിയിപ്പ്

Summary: The National Centre of Meteorology (NCM) has forecast changing weather conditions across the UAE from today to Friday, with rain, humidity and dust expected at different intervals.  Today, partly cloudy to cloudy conditions are expected, with a chance of light to moderate rainfall over coastal, eastern and southern areas, alongside rising temperatures and possible mist formation by night.