ഷാര്‍ജ: മേഖലയിലെ പ്രത്യേക സാഹചര്യങ്ങളെത്തുടര്‍ന്ന് നിര്‍ത്തിവെച്ചിരുന്ന വിമാന സര്‍വിസുകള്‍ എയര്‍ അറേബ്യ ഭാഗികമായി പുനരാരംഭിച്ചു. യു.എ.ഇയിലേക്കും തിരിച്ചുമുള്ള പരിമിതമായ സര്‍വിസുകളാണ് നിലവില്‍ ആരംഭിച്ചത്. നിലവിലെ വിമാന സമയവിവരങ്ങള്‍ അറിയാന്‍ എയര്‍ അറേബ്യയുടെ 'ട്രാവല്‍ അപ്‌ഡേറ്റ്' പേജ് സന്ദര്‍ശിക്കണമെന്ന് അധികൃതര്‍ അറിയിച്ചു.

ALSO READ: രാജ്യസുരക്ഷയും ഐക്യവും ഊന്നിപ്പറഞ്ഞ് യു.എ.ഇയില്‍ വെള്ളിയാഴ്ച ഖുതുബകള്‍

നേരത്തെ വിമാനങ്ങള്‍ റദ്ദാക്കപ്പെട്ട യാത്രക്കാര്‍ക്ക്, റീഫണ്ട് ഓപ്ഷനുകളോ മാറ്റങ്ങളോ വരുത്തിയിട്ടില്ലെങ്കില്‍ ടിക്കറ്റുകള്‍ റീബുക്ക് ചെയ്യാവുന്നതാണ്. എയര്‍ അറേബ്യ വെബ്‌സൈറ്റ്, മൊബൈല്‍ ആപ്പ്, ട്രാവല്‍ ഏജന്റുമാര്‍ എന്നിവര്‍ വഴി പുതിയ ടിക്കറ്റുകള്‍ ലഭ്യമാണ്. വിമാനങ്ങള്‍ റദ്ദാക്കപ്പെട്ടവര്‍ക്ക് ഇമെയില്‍, എസ്.എം.എസ് വഴി പകരമുള്ള യാത്രാ മാര്‍ഗങ്ങളെക്കുറിച്ച് നേരിട്ട് അറിയിപ്പ് നല്‍കും. വെബ്‌സൈറ്റ് വഴി വിമാനങ്ങളുടെ സ്ഥിതി കൃത്യമായി പരിശോധിക്കണമെന്നും എയര്‍ അറേബ്യയുടെ നേരിട്ടുള്ള ചാനലുകള്‍ വഴി ബുക്ക് ചെയ്തവര്‍ക്ക് വെബ്‌സൈറ്റ് വഴി മറ്റ് ഓപ്ഷനുകള്‍ തിരഞ്ഞെടുക്കാമെന്നും കമ്പനി അറിയിച്ചു. ട്രാവല്‍ ഏജന്റുമാര്‍ വഴി ടിക്കറ്റ് എടുത്തവര്‍ അവരുമായും ബന്ധപ്പെടണം.

Air Arabia has partially resumed flights to and from the UAE, with limited services operating currently. Passengers are advised to check the airline's 'Travel Update' page for the latest flight schedules [1][2].