ഗൂഡല്ലൂര്‍: കാട്ടാനകള്‍ തമ്മിലുള്ള സംഘട്ടനത്തില്‍ ഒരാന ചരിഞ്ഞു. മസിനഗുഡിക്ക് സമീപമാണ് 20 വയസുള്ള ആന സംഘട്ടനത്തില്‍ ചരിഞ്ഞത്. ആനയുടെ പല ഭാഗങ്ങളിലും കാട്ടാനകള്‍ കുത്തി പരുക്കേല്‍പ്പിച്ച അടയാളങ്ങള്‍ കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് ആന ചരിഞ്ഞത് സംഘട്ടനത്തിലാണെന്ന് വനംവകുപ്പ് സ്ഥിരീകരിച്ചത്. മസിനഗുഡിക്ക് സമീപമുള്ള സിന്‍ഗാര സ്വകാര്യ എസ്റ്റേറ്റിലാണ് ആനയെ ചരിഞ്ഞ നിലയില്‍ കണ്ടെത്തിയത്. തോട്ടം ഉടമ വനം വകുപ്പിന് വിവരം നല്‍കിയതിന്റെ അടിസ്ഥാനത്തില്‍ സിന്‍ഗാല റെയ്ഞ്ചര്‍ രമേഷ്, ഡോ. മങ്കയമ്മ തുടങ്ങിയവരുടെ നേതൃത്വത്തിലുള്ള സംഘം സംഭവ സ്ഥലത്തെത്തി പരിശോധന നടത്തി. പോസ്റ്റ്‌മോട്ടത്തിന് ശേഷം കഴുകന്‍മാര്‍ക്കും പുലികള്‍ക്കുമുള്ള ഭക്ഷണമായി ആനയെ കാട്ടില്‍ ഉപേക്ഷിച്ചു.