ഗൂഡല്ലൂര്‍: പുലിയെ ചത്തനിലയില്‍ കണ്ടെത്തി. മസിനഗുഡി സീഗൂര്‍ വനമേഖലയിലാണ് ആറു വയസ് പ്രായംതോന്നിക്കു ആണ്‍പുലിയെ ചത്തനിലയില്‍ കണ്ടെത്തിയത്. വനത്തില്‍ റോന്ത് ചുറ്റുകയായിരുന്ന വനപാലകരാണ് പുലിയുടെ ജഡം കണ്ടെത്തിയത്. വിവരമറിഞ്ഞ് മുതുമല കടുവാസംരക്ഷണ കേന്ദ്രം ഡപ്യൂട്ടി ഡയറക്ടര്‍ ശരവണന്‍, റെയ്ഞ്ചര്‍ രമേശ് എന്നിവരുടെ നേതൃത്വത്തിലുള്ള വനപാലക സംഘം സംഭവസ്ഥലത്തെത്തി പരിശോധന നടത്തി. ഡോ. മങ്കയമ്മ പോസ്റ്റ്‌മോര്‍ട്ടം നടത്തി. പുലിയുടെ ആന്തരികാവയവങ്ങള്‍ വിദഗ്ധ പരിശോധനക്ക് ചെന്നൈയിലേക്ക് അയച്ചിട്ടുണ്ട്.