കൊല്ലം: കുടുംബശ്രീയുടെ നേതൃത്വത്തില്‍ കൊല്ലം ആശ്രാമം മൈതാനത്ത് നടന്നു വരുന്ന സരസ്‌മേളയുടെ സംഘാടനമികവിന് ചീഫ് സെക്രട്ടറി എസ്.എം. വിജയാനന്ദിന്റെ അഭിനന്ദനം.  
കേരളം ഉള്‍പ്പെടെ 23 സംസ്ഥാനങ്ങളില്‍ നിന്നുള്ള സംരംഭകരുടെ പങ്കാളിത്തം ഉറപ്പാക്കാനും വൈവിധ്യമാര്‍ന്ന ഗ്രാമീണ ഉല്‍പന്നങ്ങള്‍ അണിനിരത്താനും കഴിഞ്ഞിട്ടുണ്ട്. ഇത് കുടുംബശ്രീയുടെ സംഘാടന മികവിനെയാണ് വ്യക്തമാക്കുന്നതെന്ന് അദ്ദേഹം പറഞ്ഞു. ഇന്നലെ മേളയിലെത്തിയ അദ്ദേഹം  മുഴുവന്‍ സ്റ്റാളുകളും ഫുഡ്‌കോര്‍ട്ടും  സന്ദര്‍ശിച്ചു. ജില്ലാമിഷന്‍ കോ-ഓര്‍ഡിനേറ്റര്‍ മുഹമ്മദ് അന്‍സര്‍, പ്രോജക്ട് കോ-ഓര്‍ഡിനേറ്റര്‍ സുജി സത്യ, സംസ്ഥാന മിഷന്‍ പ്രോഗ്രാം സപ്പോര്‍ട്ട് എക്‌സിക്യൂട്ടീവ് ശാരിക.എസ് എന്നിവര്‍ ചീഫ് സെക്രട്ടറിക്കൊപ്പമുണ്ടായിരുന്നു.