ആറ്റിങ്ങല്‍: പൂവമ്പാറ പാലത്തില്‍ നിന്ന് വാമനപുരം നദിയിലേക്കു  ചാടി വൃദ്ധന്‍ ആത്മഹത്യ ചെയ്തു. കിളിമാനൂര്‍ ചെങ്കിക്കുന്ന് ചരുവിളവീട്ടില്‍ കരുണാകരന്‍ (78) ആണ് മരിച്ചത്. ഇന്നലെ രാവിലെ 8.45 നായിരുന്നു സംഭവം. ഒരാള്‍ പാലത്തില്‍ നിന്ന് ആറ്റില്‍ച്ചാടുന്നത് കണ്ട് വഴിയാത്രക്കാര്‍ അറിയിച്ചതനുസരിച്ച് ഫയര്‍ഫോഴ്‌സെത്തി കരക്കെടുത്ത് ചിറയിന്‍കീഴ് താലൂക്കാശുപത്രിയിലെത്തിച്ചെങ്കിലും മരിച്ചിരുന്നു. ആറ്റിങ്ങല്‍ പൊലിസ് മേല്‍ നടപടികള്‍ സ്വീകരിച്ചു. മൃതദേഹം  പോസ്റ്റ് മോര്‍ട്ടത്തിന് ശേഷം   ബന്ധുക്കള്‍ക്ക് വിട്ടുകൊടുത്തു. ഭാര്യ: വസന്തകുമാരി. മക്കള്‍: ഗിരീഷ്, ഗീതേഷ്, സിനി. മരുമക്കള്‍: ലത, അഭിലാഷ്.