മണര്‍കാട്: വിശുദ്ധ മര്‍ത്തമറിയം യാക്കോബായ സുറിയാനി കത്തീഡ്രലിലെ എട്ടു നോമ്പു പെരുന്നാളിനോട് അനുബന്ധിച്ചു വനിതാ സമാജത്തിന്റെ നേതൃത്വത്തില്‍ നാടന്‍ ഭക്ഷ്യമേള നടത്തി.
കത്തീഡ്രല്‍ സഹവികാരി റവ. കുറിയാക്കോസ് കോര്‍എപ്പിസ്‌കോപ്പ കിഴക്കേടത്ത് മേള ഉദ്ഘാടനം ചെയ്തു. മണര്‍കാട് ഗ്രൂപ്പ് പ്രസിഡന്റ് റവ. ആന്‍ഡ്രൂസ് ചിരവത്തറ കോര്‍എപ്പിസ്‌കോപ്പ അധ്യക്ഷത വഹിച്ചു.
സമാജം സെക്രട്ടറി ശാന്തമ്മ ചാണ്ടി കരിയല്‍, ലൈസാമ്മ പോള്‍ ജാതിക്കുഴി, സാലമ്മ ആന്‍ഡ്രൂസ് ചിരവത്തറ തുടങ്ങിയവര്‍ സംസാരിച്ചു.  യാക്കോബ് മോര്‍ അന്തോണിയോസ് മെത്രാപോലീത്ത സ്റ്റാള്‍ സന്ദര്‍ശിച്ചു.
സാമജം അംഗങ്ങള്‍ തങ്ങളുടെ വീടുകളില്‍ നിന്നു പാകം ചെയ്തുകൊണ്ടു വന്ന നാടന്‍ ഭക്ഷണങ്ങളായ വട്ടയപ്പം, വെള്ളയപ്പം, അവല്‍, അട തുടങ്ങിയവാണ് സ്റ്റാളില്‍ വിതരണം ചെയ്തത്.
ഭക്ഷ്യളേയുടെ വരുമാനം നിര്‍ധനരായ വിദ്യാര്‍ഥികളുടെ ഉന്നതവിദ്യാഭ്യാസത്തിനായി ഉപയോഗിക്കുമെന്ന് റവ. ആന്‍ഡ്രൂസ് ചിരവത്തറ കോര്‍എപ്പിസ്‌കോപ്പ പറഞ്ഞു.