സോള്‍: യു.എന്‍ ഉപരോധം മറികടന്ന് തുടര്‍ച്ചയായി മിസൈല്‍ പരീക്ഷണം നടത്തുന്ന ഉത്തരകൊറിയക്ക് ഭീഷണിയുമായി യു.എസ് ബോംബറുകള്‍ അതിര്‍ത്തിയിലൂടെ പറന്നതായി റിപ്പോര്‍ട്ട്. ആണവബോംബുകള്‍ വഹിക്കാന്‍ ശേഷിയുള്ള രണ്ട്് യുഎസ് സൂപ്പര്‍സോണിക് വിമാനങ്ങളാണ് അതിര്‍ത്തിയിലൂടെ പറന്നത്.

കഴിഞ്ഞയാഴ്ചയാണ് ഉത്തരകൊറിയ അഞ്ചാമത്തെ ആണവ പരീക്ഷണം നടത്തിയത്. ഉത്തരകൊറിയന്‍ അതിര്‍ത്തിയില്‍നിന്ന് 120 കിലോമീറ്റര്‍ മാത്രം അകലെയുള്ള ഒസാന്‍ വ്യോമതാവളത്തിനു മുകളിലൂടെ വിമാനം പറക്കുന്നതിന്റെ ദൃശ്യങ്ങള്‍ അസോസിയേറ്റഡ് പ്രസ് പുറത്തുവിട്ടിട്ടുണ്ട്. ബോംബര്‍ വിമാനങ്ങള്‍ക്ക് അകമ്പടിയായി യുഎസ്-ഉത്തരകൊറിയന്‍ ജെറ്റുവിമാനങ്ങളുമുണ്ടായിരുന്നു.

നിലവില്‍ ദക്ഷിണ കൊറിയയ്ക്ക് ആണുവായുധങ്ങളില്ല. എന്നാല്‍, അമേരിക്ക എല്ലാവിധ സഹായങ്ങളും നല്‍കുന്നുണ്ട്.