പാലക്കാട്: കോട്ടായി ഈസ്റ്റ് പരുത്തിപ്പുള്ളിയില്‍ ബൈക്ക് അപകടത്തില്‍ മൂന്ന് യുവാക്കള്‍ക്ക് ദാരുണാന്ത്യം. കരിയാങ്കോട് സ്വദേശി സുര്‍ജിത് (23), പരുത്തിപ്പുള്ളി സ്വദേശി ആകാശ് (23), കോട്ടായി പഴയകല്ലേക്കാട് സ്വദേശി അശ്വിന്‍ (23) എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന ബൈക്ക് നിയന്ത്രണംവിട്ട് മതിലില്‍ ഇടിച്ചാണ് അപകടമുണ്ടായത്. ഇന്ന് പുലര്‍ച്ചെയാണ് അപകടമുണ്ടായത്. 

ഞായറാഴ്ച കോട്ടായി കണ്ടെത്താറുകാവ് ഭഗവതി ക്ഷേത്രത്തിലെ ഉത്സവം കാണാന്‍ പോയി മടങ്ങുംവഴിയാണ് അപകടമുണ്ടായത്.

അമിതവേഗതയില്‍ എത്തിയ ബൈക്ക് പരുത്തിപ്പുള്ളി വില്ലേജ് ഓഫീസിന് സമീപമുള്ള വീടിന്റെ മതിലില്‍ ഇടിക്കുകയായിരുന്നു. ആകാശും സുര്‍ജിത്തും സംഭവസ്ഥലത്ത് വെച്ചുതന്നെ മരിച്ചു. ഗുരുതരാവസ്ഥയിലായ അശ്വിന്‍ തിങ്കളാഴ്ച രാവിലെ തൃശൂര്‍ മെഡിക്കല്‍ കോളജ് ആശുപത്രിയില്‍ വെച്ചാണ് മരിച്ചത്.

Three youths lost their lives in a tragic bike accident in Palakkad after the vehicle went out of control and crashed into a wall. The impact was severe, leading to their immediate death. Authorities have initiated further investigation into the incident, while the accident has raised concerns over road safety and speeding.