കൊച്ചി: പശ്ചിമേഷ്യൻ യുദ്ധത്തിന് താൽക്കാലിക വിരാമമെന്ന് യുഎസ് പ്രസിഡണ്ട് ട്രംപ് വ്യക്തമാക്കിയതിന് പിന്നാലെ കുതിച്ചുയർന്ന് സ്വർണവില. ​ഗ്രാമിന് 500 രൂപയും, പവന് 4000 രൂപയുമാണ് കൂടിയത്. ഇതോടെ സ്വർണം പവന് 1,05,080 രൂപയായി, അതേസമയം, ​ഗ്രാമിന് 13,135 രൂപയിലേക്കെത്തി. 

അതേസമയം, സ്വര്‍ണവിലയില്‍ ഇന്ന് ഇടിവ് സംഭവിച്ചിരുന്നു. രണ്ട് തവണയായി 7,560 രൂപയാണ് പവന് കുറഞ്ഞത്. ഇതോടെ  സ്വർണം പവന് 99,480 രൂപയിൽ എത്തിയിരുന്നു. 

ALSO READ: രാഷ്ട്രീയ പാര്‍ട്ടികള്‍ക്ക് അയച്ച കത്തിലെ ബിജെപി സീൽ: ക്ലറിക്കൽ പിഴവെന്ന് മുഖ്യ തെരഞ്ഞെടുപ്പ് ഓഫീസർ; കത്ത് നേരത്തെ പിൻവലിച്ചെന്നും വിശദീകരണം

യുദ്ധ പശ്ചാത്തലത്തില്‍ സ്വര്‍ണ വില തുടര്‍ച്ചയായി കുറയുകയാണ്. ഇന്ന് രാവിലെ പവന് ഒറ്റയടിക്ക് 4,360 രൂപയും ഗ്രാമിന് 545 രൂപയും കുറഞ്ഞിരുന്നു. ശനിയാഴ്ച ഗ്രാമിന് 275 രൂപയും പവന് 2200 രൂപയും കുറഞ്ഞു. യഥാക്രമം 13,380 രൂപയും 1,07,040 രൂപയുമായിരുന്നു വില. വ്യാഴാഴ്ച സ്വര്‍ണവിലയില്‍ മൂന്നു തവണ മാറ്റമുണ്ടായി. രാവിലെയും ഉച്ചക്കും വൈകീട്ടുമായി പവന് 5,240 രൂപയാണ് കുറഞ്ഞത്.

ആഗോളവിപണിയിലും സ്വര്‍ണവില കുത്തനെ ഇടിയുകയാണ്. സ്‌പോട്ട് ഗോള്‍ഡ് ട്രോയ് ഔണ്‍സിന് 278.84 ഡോളര്‍ കുറഞ്ഞ് 4,212.91 ഡോളറായി. 6.21 ശതമാനമാണ് കുറഞ്ഞത്.

ജനുവരി 29നാണ് സംസ്ഥാനത്ത് സ്വര്‍ണത്തിന് ഏറ്റവും ഉയര്‍ന്ന വില രേഖപ്പെടുത്തിയത്. ഗ്രാമിന് 16395 രൂപയും പവന് 1,31,160 രൂപയുമായിരുന്നു അന്ന്. 

Gold prices skyrocketed following US President Donald Trump's announcement of a temporary truce in the West Asia conflict, with gold prices jumping ₹500 per gram and ₹4000 per pavilion, reaching ₹1,05,080 per pavilion and ₹13,135 per gram ¹ ² ³.