തിരുവനന്തപുരം: രാഷ്ട്രീയ പാർട്ടികൾക്ക് അയച്ച ഔദ്യോഗിക ഇമെയിൽ സന്ദേശത്തോടൊപ്പമുള്ള കത്തിൽ കേരള ബി.ജെ.പിയുടെ സീൽ പതിഞ്ഞ സംഭവത്തിൽ വീഴ്ച വരുത്തിയ അസിസ്റ്റന്റ് സെക്ഷൻ ഓഫിസറെ സസ്പെൻഡ് ചെയ്തു. സംഭവം വിവാദമായതോടെയാണ് കമ്മീഷൻ ഉദ്യോ​ഗസ്ഥനെതിരെ നടപടിയെടുത്തത്.

അതേസമയം, സംഭവത്തിൽ തെരഞ്ഞെടുപ്പ് കമ്മിഷന്‍ വിശദീകരണം നൽകിയിരുന്നു. സംഭവിച്ചത് ക്ലറിക്കൽ പിഴവാണെന്നും തെറ്റ് തിരിച്ചറിഞ്ഞ ഉടൻ തന്നെ തിരുത്തൽ നടപടികൾ സ്വീകരിച്ചിരുന്നതായും മുഖ്യ തെരഞ്ഞെടുപ്പ് ഓഫീസർ ഡോ. രത്തൻ യു. ഖേൽക്കർ വ്യക്തമാക്കിയിരുന്നു. 

ALSO READ: രാഷ്ട്രീയ പാര്‍ട്ടികള്‍ക്ക് അയച്ച കത്തിലെ ബിജെപി സീൽ: ക്ലറിക്കൽ പിഴവെന്ന് മുഖ്യ തെരഞ്ഞെടുപ്പ് ഓഫീസർ; കത്ത് നേരത്തെ പിൻവലിച്ചെന്നും വിശദീകരണം

2019-ൽ തെരഞ്ഞെടുപ്പ് കമ്മീഷൻ പുറപ്പെടുവിച്ച ചില മാർഗനിർദ്ദേശങ്ങളെക്കുറിച്ച് വിശദീകരണം തേടി ബിജെപി കേരള ഘടകം സിഇഒ ഓഫീസിനെ സമീപിച്ചിരുന്നു. അന്ന് ബിജെപി നൽകിയ അപേക്ഷയ്ക്കൊപ്പം 2019-ലെ പഴയൊരു കത്തിന്റെ പകർപ്പും ഉണ്ടായിരുന്നു. ഈ പകർപ്പിൽ പാർട്ടിയുടെ സീൽ പതിപ്പിച്ചിരുന്നു. ഈ പകർപ്പാണ് അശ്രദ്ധ മൂലം കമ്മീഷൻ ഓഫീസിൽ നിന്ന് മറ്റ് രാഷ്ട്രീയ പാർട്ടികൾക്ക് അയച്ചത്. പിഴവ് ശ്രദ്ധയിൽപ്പെട്ട ഉടനെ, അതായത് മാർച്ച് 21-ന് തന്നെ പ്രസ്തുത കത്ത് പിൻവലിച്ചതായി എല്ലാ രാഷ്ട്രീയ പാർട്ടികളെയും അറിയിച്ചിരുന്നുവെന്നും മുഖ്യ തെരഞ്ഞെടുപ്പ് ഓഫീസർ കൂട്ടിച്ചേർത്തു.

An Assistant Section Officer with the Election Commission has been suspended for attaching the Kerala BJP's seal to an official email sent to political parties, sparking controversy. The Commission took swift action following the incident, pending further investigation [1][2].