പട്ടാമ്പി: വീടിനകത്ത് മിനിബാറുപോലെ പള്ളിപ്പുറം,പരുതൂര്‍ എന്നിവിടങ്ങളില്‍ മദ്യവില്‍പ്പന നടത്തിയ നാനാത്ത്പറമ്പ് മലയാട്ടില്‍ ജയപ്രകാശ്(കുട്ടന്‍ 50)എന്നയാളെ അറസ്റ്റു ചെയ്തു.പരുതൂരില്‍ താമസിക്കുന്ന ഇയാളുടെ വീട്ടില്‍ വിവിധ തരം മദ്യം വില്‍പ്പന നടത്തിയ വിവരം അറിഞ്ഞെത്തിയ എക്‌സൈസ് സംഘത്തിന്റെ റെയ്ഡിലാണ് ഇയാളെ പിടികൂടി അറസ്റ്റ് ചെയ്തത്.
50 ലിറ്റര്‍ ചാരായം വാറ്റാനുള്ള വാഷ്,രണ്ട് ലിറ്റര്‍ ചാരായം,2.65 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യം,3.25 ലിറ്റര്‍ ബിയര്‍,വാറ്റ് ഉപകരണങ്ങള്‍ എന്നിവ പിടിച്ചെടുത്തു.ഒരു ബാറില്‍ ലഭിക്കുന്ന എല്ലാ സൗകര്യത്തോടും കൂടിയുള്ള മദ്യവില്‍പ്പനയാണ് ഇയാള്‍ നടത്തിയിരുന്നത്.
കോടതിയില്‍ ഹാജരാക്കിയ പ്രതിയെ 15 ദിവസത്തേക്ക് റിമാന്‍ഡ് ചെയ്തു.
പട്ടാമ്പി റെയ്ഞ്ചിലെ എക്‌സൈസ് ഇന്‍സ്‌പെക്ടര്‍ തോമസ് ജോസഫിന്റെ നേതൃത്വത്തില്‍ നടന്ന റെയ്ഡില്‍ പ്രിവന്റീവ് ഓഫിസര്‍മാരായ എസ്. ഗോപാലകൃഷ്ണന്‍,കെ വസന്തകുമാര്‍,സിവില്‍ എക്‌സൈസ് ഓഫിസര്‍മാരായ ബെന്നി.കെ സെബാസ്റ്റ്യന്‍,ഷിബു,ഹരിദാസ് പങ്കെടുത്തു.