കൊടുങ്ങല്ലൂര്‍: ബലിപെരുന്നാള്‍ ദിനത്തില്‍ സ്‌നേഹ സന്നദ്ധതയും മതസൗഹാര്‍ദവും വിളിച്ചുണര്‍ത്തി എസ്.കെ.എസ്.എസ്.എഫ് കടലായി യൂനിറ്റ്.
പെരുന്നാള്‍ ദിവസത്തെ തിരക്കുകള്‍ക്കിടയില്‍ കൊടുങ്ങല്ലൂര്‍ ഗവണ്‍മെന്റ് ആശുപത്രി, കൊടുങ്ങല്ലൂര്‍ അമ്പല പരിസരം എന്നിവിടങ്ങളിലാണ് എസ്.കെ.എസ്.എസ്.എഫ് പ്രവര്‍ത്തകര്‍ ഭക്ഷണ വിതരണം നടത്തിയത്.
കൊടുങ്ങല്ലൂര്‍ അമ്പല പരിസരത്ത് ഭക്തജനങ്ങള്‍ക്കും നാട്ടുകാര്‍ക്കും ഭക്ഷണ വിതരണം നടത്തിയതോടെ അമ്പല പരിസരം മത സൗഹാര്‍ദത്തിന്റെ ഇടമായി മാറി.
കണ്ട് നിന്നവര്‍ മതത്തിന്റെ വേര്‍തിരിവില്ലാതെ സ്‌നേഹാശംസകള്‍ നല്‍കി. എസ്.വൈ.എസ് കൈപ്പമംഗലം മണ്ഡലം പ്രസിഡന്റ് ഹുസൈന്‍ തങ്ങള്‍, എസ്.കെ.എസ്.എസ്.എഫ് കൊടുങ്ങല്ലൂര്‍ മേഖല പ്രസിഡന്റ് ഷെഫീക്ക് ഫൈസി, കബീര്‍ ഫൈസി. മേഖല ട്രഷറര്‍ ആഷിക് കോതപറമ്പ്, നിയാസ് അഹ്മദ്, സുഹൈല്‍ എന്നിവര്‍ നേതൃത്വം നല്‍കി.