കൊച്ചി: മുഖ്യമന്ത്രി പിണറായി വിജയനെ പരസ്യ സംവാദത്തിന് വെല്ലുവിളിച്ച് പ്രതിപക്ഷ നേതാവ് വി.ഡി സതീശന്‍. താന്‍ നുണ പറയുന്നുവെന്ന് പ്രചരിപ്പിക്കുന്നു.തന്റെ വിശ്വാസ്യത തകര്‍ക്കാനാണ് സി.പി.എം ശ്രമം. നുണേശനാണോ നുണറായിയായോ കൂടുതല്‍ യോജിക്കുന്നതെന്ന് കാണാമെന്നും അദ്ദേഹം പറഞ്ഞു. 

ഭവനപദ്ധതിയില്‍ പിണറായി പറയുന്നത് യമണ്ടന്‍ നുണയെന്നും സതീശന്‍ പറഞ്ഞു. വീട് നിര്‍മിച്ച പദ്ധതികളില്‍ ഒരു ഓവര്‍ ലാപ്പിങും ഉണ്ടായിട്ടില്ല. കേന്ദ്ര പദ്ധതി വേറെ, സംസ്ഥാന പദ്ധതി വേറെ. എല്‍.ഡി.എഫ് വന്നതിന് ശേഷം നേരത്തെ ഉമ്മന്‍ചാണ്ടി സര്‍ക്കാര്‍ നിര്‍മ്മിച്ച 50000 വീടും അവരുടെ കണക്കില്‍പ്പെടുത്തി. ഞങ്ങള്‍ 5 ലക്ഷം വീട് 5 വര്‍ഷം കൊണ്ടാണ് നിര്‍മ്മിച്ചതെന്നും സതീശന്‍ പറഞ്ഞു. വയനാട്ടില്‍ കോണ്‍ഗ്രസ് വാങ്ങിയ സ്ഥലത്ത് കുടില്‍കെട്ടി സമരം നടത്തിയാല്‍ ഡി.വൈ.എഫ്.ഐക്കാരെ അടിച്ചോടിക്കുമെന്നും അദ്ദേഹം പറഞ്ഞു. 

നിയമസഭയില്‍ എല്‍.ഡി.എഫ് സര്‍ക്കാരിന്റെ മന്ത്രിമാര്‍ പറയുന്ന മറുപടികള്‍ തന്നെ 4,43,000 വീടുകള്‍ നിര്‍മ്മിച്ച കണക്കുകള്‍ വ്യക്തമാക്കുന്നുണ്ടെന്ന് വിഡി സതീശന്‍ പറഞ്ഞു. മുഖ്യമന്ത്രി നുണമാത്രമാണ് പറയുന്നതെന്നും യമണ്ടന്‍ നുണ പറഞ്ഞത് മുഖ്യമന്ത്രിയാണെന്നും അദേഹം പറഞ്ഞു. 

 V. D. Satheesan has challenged Chief Minister Pinarayi Vijayan to a public debate over ongoing allegations, stating that the truth will reveal who is lying. The challenge has intensified the political confrontation between the two leaders amid the election campaign.