മലപ്പുറം: എസ്.ഡി.പി.ഐയുടെ തെരഞ്ഞെടുപ്പിലെ നിലപാട് സംബന്ധിച്ച് തന്നോട് ചോദിച്ചിട്ട് കാര്യമില്ലെന്ന് മുഖ്യമന്ത്രി പിണറായി വിജയന്‍. വര്‍ഗീയതയോട് വിട്ടുവീഴ്ച്ചയില്ലെന്ന് പറഞ്ഞ മുഖ്യമന്ത്രിയോട് എസ്.ഡി.പി.ഐ ബന്ധത്തെ കുറിച്ച് ചോദിച്ചപ്പോഴാണ് അദ്ദേഹം ക്ഷുഭിതനായത്. 'എസ്.ഡി.പി.ഐയെ കുറിച്ച് ഞാനാണോ പറയേണ്ടത്' എന്നായിരുന്നു അദ്ദേഹത്തിന്റെ മറുപടി. 

എസ്.ഡി.പി.ഐയുടെ വോട്ട് വേണ്ടെന്ന് പറയുമോ എന്ന ചോദ്യത്തിന് കൃത്യമായി മറുപടി നല്‍കാതെ എസ്.ഡി.പി.ഐയുടെ നിലപാട് അവരോട് ചോദിക്കാനും മുഖ്യമന്ത്രി പറഞ്ഞു. 

ALSO READ: പാര്‍ട്ടിക്ക് മാപ്പെഴുതി നല്‍കി; തൃശൂര്‍ കോര്‍പറേഷന്‍ കൗണ്‍സിലര്‍ ലാലി ജെയിംസ് തിരികെ കോണ്‍ഗ്രസിലേക്ക്

വര്‍ഗീയതോട് വിരുദ്ധ നിലപാടാണ് എല്‍.ഡി.എഫ് സ്വീകരിച്ചത്. തുടര്‍ഭരണം ലഭിച്ചത് ഗിമ്മിക്ക് കൊണ്ടല്ല. തുടര്‍ഭരണം വന്നതിന് ശേഷം സംസ്ഥാനത്തെ എല്ലാ രംഗങ്ങളിലും പുരോഗതി കൈവരിച്ചുവെന്നും മുഖ്യമന്ത്രി അവകാശപ്പെട്ടു. 

എല്ലാ വര്‍ഗീയതയെയും ഒരുപോലെ എതിര്‍ക്കും. എല്‍.ഡി.എഫിനെ മോശമായി ചിത്രീകരിക്കാനും യു.ഡി.എഫ് പരിശുദ്ധരെന്ന് വരുത്തി തീര്‍ക്കാനുമാണ് മാധ്യമങ്ങളുടെ ശ്രമം. ഡീല്‍ ആരോപണം കോണ്‍ഗ്രസിന്റെ നുണയാണെന്നും മുഖ്യമന്ത്രി പറഞ്ഞു. 

Pinarayi Vijayan reacted strongly to allegations of a political deal involving the Social Democratic Party of India, stating that their stance should be clarified by the party itself. The Chief Minister’s remarks came amid rising political tensions and accusations during the ongoing election campaign.