തെഹ്‌റാന്‍: ഇറാനിലെ വൈദ്യുത കേന്ദ്രങ്ങള്‍ക്ക് നേരേയും ആക്രമണം അഴിച്ചു വിട്ട് യു.എസ്. യുദ്ധഭീതിക്ക് ആക്കംകൂട്ടി കരയുദ്ധത്തിന് അമേരിക്ക തയാറെടുക്കുന്നു എന്ന റിപ്പോര്‍ട്ടുകള്‍ പുറത്തു വരുന്നതിനിടെയാണ് നീക്കം. കുറച്ചു സമയത്തേക്ക് തെഹ്‌റാനിലെ ചിലഭാഗങ്ങള്‍ ഇരുട്ടിലായതായി ഔദ്യോഗിക വൃത്തങ്ങള്‍ റിപ്പോര്‍ട്ട് ചെയ്യുന്നു. എന്നാല്‍ മണിക്കൂറുകള്‍ക്കകം വൈദ്യുതി പുനഃസ്ഥാപിച്ചതായും റിപ്പോര്‍ട്ടുകള്‍ വ്യക്തമാക്കുന്നു. 

അതിനിടെ, ഇറാന്റെ എണ്ണ സ്വന്തമാക്കുമെന്നും ഖാര്‍ഗ് ദ്വീപ് പിടിക്കുമെന്നും അവകാശപ്പെട്ട് യു.എസ് പ്രസിഡന്റ് ഡൊണാള്‍ഡ് ട്രംപ് രംഗത്തെത്തിയിട്ടുണ്ട്. ഖാര്‍ഗ് ദ്വീപില്‍ ആഴ്ചകള്‍ നീളുന്ന അധിനിവേശം ഉള്‍പ്പെടെ എല്ലാ സാധ്യതകളും അമേരിക്ക പരിഗണിക്കുന്നതായി യുഎസ് മാധ്യമങ്ങളും റിപ്പോര്‍ട്ട് ചെയ്യുന്നു. ഖാര്‍ഗില്‍ ഇറാന്‍ പ്രതിരോധം എളുപ്പം മറികടക്കാന്‍ കഴിയുമെന്നാണ് ട്രംപിന്റെ വാദം. അതേസമയം, ഇറാന്റെ ആക്രമണ ഭീഷണി മുന്‍നിര്‍ത്തി പശ്ചിമേഷ്യയിലെ യു.എസ് യൂണിവേഴ്‌സിറ്റികള്‍ പലതും പഠനം ഓണ്‍ലൈനിലേക്ക് മാറ്റിയിരിക്കുകയാണ്. 

ALSO READ: ഇറാനിൽ കാലുകുത്തുന്ന യുഎസ് സെെനികരെ പേർഷ്യൻ കടലിലെ സ്രാവുകൾക്ക് ഭക്ഷണമാക്കും; യുഎസിന് മുന്നറിയിപ്പുമായി ഇറാൻ 

അതിനിടെ, ഇറാനുമായി പ്രത്യക്ഷ, പരോക്ഷ ചര്‍ച്ചകള്‍ നടക്കുന്നുണ്ടെന്നും ട്രംപ് പറയുന്നു. പതിനഞ്ചിന നിര്‍ദ്ദേശങ്ങളില്‍ ഭൂരിഭാഗവും ഇറാന്‍ അംഗീകരിച്ചെന്നാണ് യു.ശെ് പ്രസിഡന്റ് അവകാശപ്പെടുന്നത്. പാകിസ്താന്‍ മുഖേന നടക്കുന്ന ചര്‍ച്ചയില്‍ പുരോഗതിയുണ്ടെന്ന് പറഞ്ഞ ട്രംപ് 20 എണ്ണ ടാങ്കറുകള്‍ക്ക് ഇറാന്‍ അനുമതി നല്‍കിയെന്നും നാളെ ഹോര്‍മുസ് കടക്കുമെന്നും വ്യക്തമാക്കി.

iran says power supply restored within hours after reported us attack on electricity facilities tensions rise as tehran responds to the incident