ഇനിമുതല്‍ പാന്‍ കാര്‍ഡ് എടുക്കാനായി കൂടുതല്‍ രേഖകള്‍ വേണം. പാന്‍ കാര്‍ഡിന് അപേക്ഷിക്കുന്നതിനുള്ള നടപടിക്രമങ്ങള്‍ പരിഷ്‌കരിച്ചിരിക്കുകയാണ് കേന്ദ്ര സര്‍ക്കാര്‍. ഏപ്രില്‍ 1 മുതല്‍ പുതിയ മാറ്റങ്ങള്‍ നിലവില്‍ വരും. നിലവില്‍ ആധാര്‍ കാര്‍ഡ് മാത്രം തിരിച്ചറിയല്‍ രേഖയായി നല്‍കി പാന്‍ കാര്‍ഡിന് അപേക്ഷിക്കാന്‍ സാധിക്കും. എന്നാല്‍ മാര്‍ച്ച് 31ഓടെ ഈ സൗകര്യം ഇല്ലാതാകും.

അതായത് ഏപ്രില്‍ 1 മുതല്‍ പാന്‍ കാര്‍ഡിന് അപേക്ഷിക്കുമ്പോള്‍ ആധാറിന് പുറമെ അപേക്ഷകന്റെ ജനനത്തീയതി തെളിയിക്കുന്ന മറ്റൊരു രേഖ കൂടി സമര്‍പ്പിക്കണം. പാന്‍ കാര്‍ഡ് വിതരണത്തില്‍ കൂടുതല്‍ സുതാര്യതയും സുരക്ഷയും ഉറപ്പാക്കാനാണ് കേന്ദ്രത്തിന്റെ നടപടി. 

അംഗീകരിച്ച രേഖകള്‍

ജനന സര്‍ട്ടിഫിക്കറ്റ്
വോട്ടര്‍ ഐഡി കാര്‍ഡ്
വിദ്യാഭ്യാസ സര്‍ട്ടിഫിക്കറ്റുകള്‍ (SSLC/Plus Two മുതലായവ)
ഡ്രൈവിംഗ് ലൈസന്‍സ്
പാസ്‌പോര്‍ട്ട്

അതേസമയം, ഈ രേഖകളൊന്നും കൈവശമില്ലാത്തവര്‍ മജിസ്‌ട്രേറ്റിന്റെ സത്യവാങ്മൂലം സമര്‍പ്പിച്ചാ്. പുതിയ നിയമപ്രകാരം ഏപ്രില്‍ 1 മുതല്‍ ആധാര്‍ കാര്‍ഡിലുള്ള പേര് തന്നെയായിരിക്കും പാന്‍ കാര്‍ഡിലും രേഖപ്പെടുത്തുക. അതിനാല്‍, ആധാറിലെ പേര് നിങ്ങളുടെ ഔദ്യോഗിക രേഖകളിലേതുപോലെ തന്നെയാണെന്ന് അപേക്ഷകര്‍ മുന്‍കൂട്ടി ഉറപ്പാക്കേണ്ടതുണ്ട്. അല്ലെങ്കില്‍ ഭാവിയില്‍ പ്രശ്‌നങ്ങള്‍ നേരിടാന്‍ സാധ്യതയുണ്ട്.