ഓമശ്ശേരി: വേനപ്പാറയില്‍ 60 വയസുകാരിയെ വിട്ടില്‍ കയറി പീഡിപ്പിക്കാന്‍ ശ്രമിച്ച യുവാവിനെ നാട്ടുകാര്‍ പിടികൂടി പൊലിസില്‍ ഏല്‍പിച്ചു. മുക്കം മണാശ്ശേരി സ്വദേശി പുളിഞ്ചാലില്‍ സുജീഷി(32)നെയാണ് പൊലിസ് കസ്റ്റഡിയിലെടുത്തത്.
ഞായറാഴ്ച വൈകിട്ടു നാലിനാണു സംഭവം. അപരിചിതനായ ഒരാള്‍ വീട്ടില്‍ വന്നു വെള്ളം ചോദിക്കുകയും വെള്ളമെടുക്കാന്‍ അകത്തേക്കു പോയ തക്കംനോക്കി അകത്തുകയറി കടന്നുപിടിക്കുകയുമായിരുന്നുവെന്നു വീട്ടമ്മ പൊലിസില്‍ പരാതി നല്‍കി.
വീട്ടമ്മ ബഹളംവച്ചതിനെ തുടര്‍ന്ന് ഓടിക്കൂടിയ നാട്ടുകാര്‍ ഇയാളെ പിന്തുടര്‍ന്നു പിടികൂടുകയായിരുന്നു. തലക്കും മുഖത്തും പുറത്തും സാരമായി പരുക്കേറ്റ വീട്ടമ്മയെ മണാശ്ശേരിയിലെ സ്വകാര്യ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.