കട്ടപ്പന: വീട്ടമ്മമാരായ സ്ത്രീകളെ ഭര്‍ത്താവുമായി വേര്‍പിരിച്ച് ഒപ്പം താമസിച്ച് ലൈംഗികമായി ചൂഷണം ചെയ്ത ശേഷം മുങ്ങിയ കേസില്‍ യുവാവ് അറസ്റ്റില്‍.
ചേറ്റുകുഴി ആശാരിപ്പറമ്പില്‍ ഷിബുവിനെയാണ് (38) വണ്ടന്‍മേട് പൊലിസ് പിടികൂടിയത്. ഇതുവരെ ആറു സ്ത്രീകള്‍ ഇയാളുടെ ചൂഷണത്തിന് ഇരയായിട്ടുണ്ടെന്നാണ് പൊലിസിന് ലഭിച്ച വിവരം. വശീകരിച്ച് ഒപ്പം താമസിപ്പിച്ച് ലൈംഗീകമായി ചൂഷണം ചെയ്തശേഷം ഉപേക്ഷിച്ചു കടന്നെന്ന കമ്പംമെട്ട് സ്വദേശിനിയുടെ പരാതിയിലാണ് അറസ്റ്റ്. കൂടാതെ പ്രതിക്കൊപ്പം ഇപ്പോള്‍ താമസിക്കുന്ന യുവതിയുടെ ഭര്‍ത്താവും കോടതി മുഖേന പരാതി നല്‍കിയിട്ടുണ്ട്. സി.ഐ വി.എസ്.അനില്‍കുമാറിന്റെയും വണ്ടന്‍മേട് എസ്.ഐ കെ.വി.വിശ്വനാഥന്റെയും നേതൃത്വത്തിലുള്ള പൊലിസ് സംഘമാണ് പ്രതിയെ പിടികൂടിയത്.