മക്ക: മക്കയിൽ എത്തിയ മലയാളി ഹാജിമാർക്ക് എസ്‌ഐസി വിഖായ സ്വീകരണം നൽകി. കേരളത്തിൽ നിന്നുമുള്ള സ്വകാര്യ ഹജ്ജ് ഗ്രൂപ്പ് അൽ ഹിന്ദ് വഴിയാണ് ആദ്യ മലയാളി സ്വകാര്യ ഹജ്ജ് സംഘം മക്കയിൽ എത്തിയത്. അമീറുമാരായ മിർഷാദ് യമാനി, റാഷിദ്‌ യമാനി,നവാസ് ഖാസിമി, ഫാറൂഖ് സൈനി തുടങ്ങിയർ നയിക്കുന്ന ഹജ്ജ് സംഘത്തെ മുസ്വല്ലകൾ നൽകി സ്വീകരിച്ചു.

എസ്‌ഐസി ഹറമൈൻ സോൺ പ്രസിഡൻറ് സയ്യിദ് സിദ്ദീഖ് തങ്ങൾ പാണക്കാട്, മക്ക സെൻട്രൽ കമ്മിറ്റി പ്രസിഡന്റ് ഉസ്മാൻ ദാരിമി കരുളായി, സെക്രട്ടറി ഫിറോസ് ഖാൻ ആലത്തൂർ, വിഖായ അംഗങ്ങളായ അസ്‌ലം,  ഇക്ബാൽ, റാഹിൽ തുടങ്ങിയവർ പങ്കെടുത്തു.

മുൻ വർഷത്തെ പോലെ വളരെ കർശനമായതും, തസ്രീഹ് (മക്ക എൻട്രി പെർമിറ്റ്) അടക്കമുള്ള പഴുതടച്ചതുമായ സജ്ജീകരണങ്ങളും ഒരുക്കങ്ങളുമാണ് സുഗമമായ ഹജ്ജിനായി ഹാജിമാർക്ക് ഒരുക്കിയിരിക്കുന്നത്. ഇരു ഹറമിലും ഹാജിമാർ എത്തിയതോടെ മലയാളി സന്നദ്ധ സംഘടനകളുടെ പ്രവർത്തനങ്ങൾ സജീവമാക്കിയിട്ടുണ്ട്.