കോഴിക്കോട്: യു.ഡി.എഫ് അധികാരം പിടിച്ചാല്‍  മുഖ്യമന്ത്രി ആരാകും എന്ന ചര്‍ച്ചകള്‍ സജീവമായി തുടരുന്നതിനിടെ നിലവിലെ പ്രതിപക്ഷനേതാവ് വി.ഡി. സതീശന് പിന്തുണയുമായി കോഴിക്കോട് നഗരത്തിലും ഫ്‌ളക്‌സുകള്‍.'സേവ് കോണ്‍ഗ്രസ് ഫോറം' എന്ന പേരിലാണ് നഗരത്തിന്റെ വിവിധ ഭാഗങ്ങളില്‍ ബോര്‍ഡുകള്‍ പ്രത്യക്ഷപ്പെട്ടിരിക്കുന്നത്. ചൊവ്വാഴ്ച രാത്രിയോടെയാണ് ഫ്‌ളക്‌സുകള്‍ ഉയര്‍ന്നത്. മാവൂര്‍ റോഡ്, പ്രസ്‌ക്ലബ് ജങ്ഷന്‍, സി.എച്ച്. മേല്‍പ്പാലം, ഡി.സി.സി ഓഫിസിന് സമീപം എന്നിവിടങ്ങളിലാണ് ഇവ സ്ഥാപിച്ചിരിക്കുന്നത്. 

ALSO READ: മുന്നണി സ്വതന്ത്രരിൽ ആരെല്ലാം തിളങ്ങും? 18 സ്വതന്ത്രരിൽ ആരെല്ലാം വിജയിക്കുമെന്നാണ് കേരളം ഉറ്റുനോക്കുന്നത്

'ടൂര്‍ണമെന്റ് ജയിച്ചാല്‍ കപ്പ് വാങ്ങേണ്ടത് ക്യാപ്റ്റനാണ്. അത് സെലക്ടറോ പരിശീലകനോ വാങ്ങുന്നത് എതിര്‍പ്പിനിടയാക്കും. സതീശന്‍ മലയാളക്കരയെ നയിക്കട്ടെ' എന്നീ വാചകങ്ങളാണ് ഫ്‌ളക്‌സിലുള്ളത്.

നേതൃത്വത്തിലേക്ക് രമേശ് ചെന്നിത്തലയോ കെ.സി. വേണുഗോപാലോ കടന്നുവരുന്നത് അണികള്‍ക്കിടയില്‍ പ്രതിഷേധത്തിന് കാരണമായേക്കും എന്ന പരോക്ഷമായ മുന്നറിയിപ്പും ഇതിലുണ്ട്.

ALSO READ: മുഖ്യമന്ത്രി സ്ഥാനം: കോൺഗ്രസിൽ അണിയറനീക്കങ്ങൾ തകൃതി; സതീശനുവേണ്ടി ഫ്‌ളക്‌സ് ബോർഡ്, കെ.സിക്കുവേണ്ടി തുലാഭാരം

പാര്‍ട്ടിയില്‍ മുഖ്യമന്ത്രി സ്ഥാനത്തെച്ചൊല്ലി ഗ്രൂപ്പ് പോര് മുറുകുന്നു എന്ന സൂചനയാണ് പലയിടങ്ങളിലും പ്രത്യക്ഷപ്പെട്ട ഫ്‌ളക്‌സുകള്‍. അതേസമയം, സതീശന്‍ മുഖ്യമന്ത്രിയാകണമെന്ന ശക്തമായ വികാരം ഒരു വിഭാഗം പ്രവര്‍ത്തകര്‍ക്കിടയിലുണ്ടെന്നും ഇത് വ്യക്തമാക്കുന്നു.

flex boards supporting vd satheesan as chief minister candidate appear across kozhikode amid growing udf leadership debate