ചങ്ങരംകുളം: പിടാവനൂര്‍-മാക്കാലിയില്‍ കഞ്ചാവ് വില്‍പന സംഘങ്ങള്‍ സജീവമാകുന്നു. മാക്കാലിയിലെ തിരക്കു കുറഞ്ഞ പാടങ്ങള്‍ കേന്ദ്രീകരിച്ചാണ് വില്‍പനയും ഉപയോഗവും നടക്കുന്നത്. ഇതില്‍ ആവശ്യക്കാര്‍ ഏറെയും വിദ്യാത്ഥികളാണെന്നാണ് വിവരം.
ആഢംബര ബൈക്കുകളിലും കാറിലുമാണ് ഇത്തരക്കാരുടെ കറക്കം. പരിസരവാസികളായ വീട്ടുകാര്‍ക്ക് ഇവര്‍ ശല്യമുണ്ടാക്കുന്നതായും നാട്ടുകാര്‍ പറയുന്നു.
ഇത്തരം സംഘങ്ങള്‍ മാക്കാലിയില്‍ സജീവമായിട്ടും പൊലിസ്, എക്‌സൈസ് സംഘം കാര്യമായ പരിശോധന നടത്തുന്നില്ലെന്നും നാട്ടുകാര്‍ ആരോപിച്ചു.