തേഞ്ഞിപ്പലം: ചെര്‍ന്നൂര്‍ തയ്യിലക്കടവില്‍ തെരുവുനായകളുടെ വിളയാട്ടം രൂക്ഷം. കഴിഞ്ഞ ദിവസം വൈകിട്ടുണ്ടായ ആക്രമണത്തില്‍ ഒരു ആട് ചാകുകയും രണ്ട് ആടുകള്‍ക്കു കടിയേല്‍ക്കുകയും ചെയ്തു.
തളിയില്‍ വി.കെ അബ്ദുല്‍ ലത്തീഫിന്റെ വീട്ടിലെ ആടുകള്‍ക്കു നേരെയാണ് ആക്രമണമുണ്ടായത്.
ഇവയെ വീട്ടുവളപ്പില്‍ കെട്ടിയതായിരുന്നു. അഞ്ചിലേറെ വരുന്ന നായകളാണ് അക്രമിച്ചത്. ശബ്ദംകേട്ടു വീട്ടുകാര്‍ പുറത്തിറങ്ങിയെങ്കിലും നായകള്‍ രക്ഷപ്പെട്ടു.
പ്രദേശത്തു രാത്രി കാലങ്ങളില്‍ നായകള്‍ തമ്പടിക്കുന്നതും പതിവാണ്.