മനാമ: രാജ്യത്തെ ഗതാഗതക്കുരുക്ക് കുറയ്ക്കുന്നതിനും യാത്രാസൗകര്യങ്ങൾ മെച്ചപ്പെടുത്തുന്നതിനുമായി 2026 മുതൽ 2030 വരെയുള്ള കാലയളവിൽ വൻ റോഡ് വികസന പദ്ധതികൾ നടപ്പിലാക്കാൻ ഒരുങ്ങി ബഹ്‌റൈൻ ഒരുങ്ങുന്നു. പ്രതീക്ഷയോടെ കാത്തിരിക്കുന്ന നോർത്ത് ബഹ്‌റൈൻ ഹൈവേയുടെ ആസൂത്രണം, രൂപകൽപ്പന, ധനസഹായം എന്നിവയുമായി ബന്ധപ്പെട്ട പഠനങ്ങൾ അവസാന ഘട്ടത്തിലാണെന്ന് പൊതുമരാമത്ത് മന്ത്രി ഇബ്രാഹിം അൽ ഹവാജ് വ്യക്തമാക്കി.

ALSO READ: ഇറാന്റെ നിലപാടുകൾക്കെതിരേ ഐക്യദാർഢ്യം; ബഹ്‌റൈനും ജോർദാനും തമ്മിലുള്ള ബന്ധം കൂടുതൽ കരുത്താർജ്ജിക്കുന്നു

പാർലമെന്റിന്റെ സാമ്പത്തിക കാര്യ സമിതി അധ്യക്ഷൻ അഹമ്മദ് അൽ സല്ലൂമിന് നൽകിയ വിശദമായ മറുപടിയിലാണ് മന്ത്രി വരാനിരിക്കുന്ന പദ്ധതികളെക്കുറിച്ച് വ്യക്തമാക്കിയത്. നിലവിലുള്ള പ്രധാന പാതകളുടെ ശേഷി വർധിപ്പിക്കുകയും ആധുനികവൽക്കരിക്കുകയും ചെയ്യും. പ്രധാന കവലകളിൽ പുതിയ മേൽപ്പാലങ്ങളും ഇന്റർചേഞ്ചുകളും നിർമ്മിക്കും. ഗവർണറേറ്റുകൾ തമ്മിലുള്ള റോഡ് ശൃംഖല ശക്തിപ്പെടുത്തും. വിവിധ ഘട്ടങ്ങളിലായാണ് ഈ പദ്ധതികൾ നടപ്പിലാക്കുകയെന്നും മന്ത്രി കൂട്ടിച്ചേർത്തു.

Bahrain is set to implement major road development projects from 2026 to 2030 to reduce traffic congestion and improve infrastructure. Works Minister Ibrahim Al Hawaj confirmed that studies for the North Bahrain Highway are in their final stages, alongside plans for new flyovers, interchanges, and modernization of existing networks.