അബിദ്ജാൻ: കോട്ട് ഡി ഐവയറിലെ 'മക്ക റൂട്ട്' പദ്ധതിയുടെ ഭാഗമായി അത്യാധുനിക ഡിജിറ്റൽ സംവിധാനങ്ങൾ സജ്ജമാക്കി സഊദി ഡാറ്റ ആൻഡ് ആർട്ടിഫിഷ്യൽ ഇന്റലിജൻസ് അതോറിറ്റി. അബിദ്ജാനിലെ വിമാനത്താവളത്തിൽ തീർഥാടകർക്ക് വേഗത്തിൽ സേവനം നൽകാൻ അത്യാധുനിക ഡിജിറ്റൽ സംവിധാനങ്ങളാണ് അതോറിറ്റി സജ്ജമാക്കിയത്. വിവരങ്ങളുടെ വെരിഫിക്കേഷൻ, ബയോമെട്രിക് രജിസ്‌ട്രേഷൻ, ഹജ്ജ് പെർമിറ്റുകളുടെ ഇലക്ട്രോണിക് വിതരണം എന്നിവ വേ​ഗത്തിൽ പൂർത്തിയാക്കുക, വിവിധ ഏജൻസികളെ ഒരുകുടക്കീഴിൽ കാണ്ടവരിക, ബാഗേജ് കോഡിംഗിലൂടെ തീർഥാടകരുടെ ലഗേജുകൾ അവരുടെ താമസസ്ഥലങ്ങളുമായി നേരിട്ട് ബന്ധിപ്പിക്കുക തുടങ്ങിയവയാണ് പ്രധാന സേവനങ്ങൾ.

ALSO READ: സമാധാന ശ്രമങ്ങൾക്ക് പൂർണ്ണ പിന്തുണ, വ്യോമാതിർത്തി ആർക്കും വിട്ടുകൊടുക്കില്ല: സഊദി അറേബ്യ

സഊദി ആഭ്യന്തര മന്ത്രാലയത്തിന്റെ നേതൃത്വത്തിൽ നടപ്പിലാക്കുന്ന ഈ പദ്ധതി ഇപ്പോൾ എട്ടാം വർഷത്തിലേക്ക് പ്രവേശിച്ചിരിക്കുകയാണ്. വിദേശകാര്യം, ആരോഗ്യം, ഹജ്ജ്-ഉംറ, വാർത്താവിതരണം എന്നീ മന്ത്രാലയങ്ങൾക്കും വിവിധ അതോറിറ്റികൾക്കും ഒപ്പം ഡിജിറ്റൽ പങ്കാളിയായ എസ്‌.ടി.സി ഗ്രൂപ്പും ഈ പദ്ധതിയിൽ സഹകരിക്കുന്നുണ്ട്. 2017ൽ ആരംഭിച്ച ഈ പദ്ധതി വഴി ഇതുവരെ 1,254,994 തീർഥാടകർക്ക് സേവനം നൽകാൻ സാധിച്ചിട്ടുണ്ട്. 

SDAIA strengthens the Makkah Route Initiative in Cote d'Ivoire by implementing advanced digital systems at Abidjan airport for faster pilgrim processing and seamless baggage delivery.