കുവൈത്ത് സിറ്റി: രാജ്യത്തെ വിപണികളിൽ വാണിജ്യ മന്ത്രാലയം നടത്തിയ പരിശോധനയിൽ വൻതോതിൽ വ്യാജ ഉൽപ്പന്നങ്ങളും നിരോധിത പുകയില ഉൽപ്പന്നങ്ങളും കണ്ടെത്തി. അഹമ്മദി, മുബാറക് അൽ കബീർ ഗവർണറേറ്റുകളിലായിരുന്നു പരിശോധന. അഹമ്മദി ഗവർണറേറ്റിലെ ഒരു വാണിജ്യ സ്ഥാപനത്തിൽ നടത്തിയ റെയ്ഡിൽ പ്രമുഖ ബ്രാൻഡുകളുടെ പേരിൽ വിൽപനയ്ക്ക് വെച്ചിരുന്ന വസ്ത്രങ്ങൾ, ഹാൻഡ്‌ബാഗുകൾ, ഷൂസുകൾ തുടങ്ങിയ 543 വ്യാജ ഉൽപ്പന്നങ്ങൾ പിടിച്ചെടുത്തു.

ALSO READ: ദുബൈയിലെ ഡ്രൈവിംഗ് ലൈസൻസ് ടെസ്റ്റുകളിൽ മാറ്റം; പുതിയ സുരക്ഷാ ഫീച്ചറുകളും ഇനി പാഠ്യപദ്ധതിയുടെ ഭാഗം

അഹമ്മദി, മുബാറക് അൽ കബീർ തുടങ്ങിയവിടങ്ങളിൽ നടത്തിയ പരിശോധനയിൽ 1,807 പാക്കറ്റ് നിരോധിത പുകയില ഉൽപ്പന്നങ്ങളും കണ്ടെത്തി. പരിശോധനയ്ക്കിടെ ഒരു ഗ്രോസറി സ്റ്റോർ ഉടനടി അടപ്പിച്ചു. ക്രമക്കേടുകൾ തടയാൻ വരും ദിവസങ്ങളിലും പരിശോധന തുടരുമെന്ന് അധികൃതർ വ്യക്തമാക്കി.

Kuwait’s Ministry of Commerce and Industry seized a large quantity of counterfeit luxury goods and over 1,800 bags of banned chewing tobacco during inspections in Ahmadi and Mubarak Al-Kabeer. One grocery store was immediately shut down as authorities ramp up efforts to curb illegal trade and protect consumer rights.