തിരുവനന്തപുരം: കേരളത്തിന്റെ 13-ാമത്തെ മുഖ്യമന്ത്രിയായി വി.ഡി സതീശന്‍ തിങ്കളാഴ്ച സത്യപ്രതിജ്ഞ ചെയ്ത് അധികാരമേല്‍ക്കും. മുഖ്യമന്ത്രി ആരെന്ന ഹൈക്കമാന്‍ഡിന്റെ പ്രഖ്യാപനത്തിന് പിന്നാലെയാണ് സത്യപ്രതിജ്ഞ ചടങ്ങുകള്‍ സംബന്ധിച്ച ഔദ്യോഗിക വിവരങ്ങള്‍ പുറത്തുവന്നത്. 

വൈകിട്ട് നാലിന് എം.എല്‍.എമാരുടെ യോഗം ചേര്‍ന്ന് ഔദ്യോഗികമായി തെരഞ്ഞെടുക്കും. ഇതിന് പിന്നാലെ  ഇന്ന് തന്നെ ഗവര്‍ണറെ കാണും. യു.ഡി.എഫ് കക്ഷി നേതാക്കളെയും വിളിപ്പിച്ചിട്ടുണ്ട്.

പത്ത് ദിവസത്തെ  കാത്തിരിപ്പിനൊടുവിലാണ് സതീശനെ മുഖ്യമന്ത്രിയായി പ്രഖ്യാപിച്ചത്. വ്യാഴാഴാച്ച ഉച്ചയ്ക്ക് 12 മണിക്ക് എ.ഐ.സി.സി ആസ്ഥാനത്ത് നടത്തിയ വാര്‍ത്താസമ്മേളനത്തില്‍ ദീപാ ദാസ് മുന്‍ഷിയാണ് മുഖ്യമന്ത്രിയായി സതീശനെ പ്രഖ്യാപിച്ചത്.