ചങ്ങനാശേരി: ശരിതെറ്റുകള്‍ തിരിച്ചറിയാന്‍ വിദ്യാര്‍ഥികള്‍ കഴിവ് നേടണമെന്ന് ആര്‍ച്ച് ബിഷപ് മാര്‍ ജോസഫ് പവ്വത്തില്‍. 

ശാസ്ത്രപഥം മാസികയും അതിരൂപതാ കോര്‍പ്പറേറ്റ് മാനേജ്‌മെന്റും സയന്‍സ് എഡ്യുക്കേഷന്‍ ട്രസ്റ്റും സംയുക്തമായി വിദ്യാര്‍ഥികള്‍ക്കായി സംഘടിപ്പിച്ച ശാസ്ത്രാഭിമുഖ്യ ക്യാംപ് ടെക്‌നോവാ എസ.്ബി ഹയര്‍സെക്കന്‍ഡറി സ്‌കൂളില്‍ ഉദ്ഘാടനം ചെയ്യുകയായിരുന്നു ആര്‍ച്ച് ബിഷപ്. സമാധാന ജീവിതത്തിന് ഭംഗം സംഭവിക്കുന്ന പ്രവര്‍ത്തന രീതികള്‍ ഒഴിവാക്കണമെന്ന് ആര്‍ച്ച് ബിഷപ് പറഞ്ഞു. പാലാരൂപതാ കോര്‍പ്പറേറ്റ് മാനേജര്‍ ഫാ.മാത്യു ചന്ദ്രന്‍കുന്നേല്‍ അധ്യക്ഷത വഹിച്ചു.
ചങ്ങനാശേരി അതിരൂപതാ കോര്‍പ്പറേറ്റ് മാനേജര്‍ ഫാ.മാത്യു നടമുഖത്ത്, കാഞ്ഞിരപ്പള്ളി രൂപതാ കോര്‍പ്പറേറ്റ് മാനേജര്‍ ഫാ.സഖറിയാസ് ഇല്ലിക്കമുറി, എസ്ബി സ്‌കൂള്‍ മാനേജര്‍ ഫാ.ജോസ് പി.കൊട്ടാരം, അസിസ്റ്റന്റ് കോര്‍പ്പറേറ്റ് മാനേജര്‍ ഫാ.മാത്യു വാരുവേലില്‍, സ്‌കൂള്‍ പ്രിന്‍സിപ്പല്‍ പി.എ.കുര്യച്ചന്‍, മാത്യു ജോസഫ്, സോജന്‍ ജോര്‍ജ്, ജിജി ദേവസി, ഷൈരാജ് വര്‍ഗീസ്, ജോസുകുട്ടി സെബാസ്റ്റിയന്‍, ജൂലി ജോസഫ് എന്നിവര്‍ പ്രസംഗിച്ചു. ഇരുനൂറോളം പ്രതിനിധികള്‍ ക്യാംപില്‍ പങ്കെടുത്തു.