കൊച്ചി: കേരളാ കോണ്‍ഗ്രസ് സെക്കുലര്‍ നാഷനലിസ്റ്റ് കോണ്‍ഗ്രസ് പാര്‍ട്ടിയില്‍ ലയിച്ചു. എന്‍.സി.പി സംസ്ഥാന നേതൃത്വവുമായി ഉന്നതാധികാര സമിതിയും സംസ്ഥാന നേതൃത്വവും നടത്തിയ ചര്‍ച്ചയുടെ അടിസ്ഥാനത്തിലാണ് ലയനമെന്ന് എന്‍.സി.പി സംസ്ഥാന പ്രസിഡന്റ് ഉഴവൂര്‍ വിജയന്‍ പറഞ്ഞു.
മതേതരത്വത്തില്‍ ഉറച്ചുനിന്നുകൊണ്ട് ദേശീയത എന്ന ആശയത്തിന് ശക്തിപകരുന്നതുകൊണ്ടാണ് എന്‍.സി.പിയില്‍ ചേര്‍ന്ന് പ്രവര്‍ത്തിക്കുന്നതെന്ന് കേരള കോണ്‍ഗ്രസ് സെക്കുലര്‍ സീനിയര്‍ ജനറല്‍ സെക്രട്ടറി പി.എ അലക്‌സാണ്ടറും പറഞ്ഞു. വാര്‍ത്താസമ്മേളനത്തില്‍ എന്‍.സി.പി നേതാക്കളായ കെ.ചന്ദ്രശേഖരന്‍, അബ്ദുല്‍ അസീസ്, എം.എം അശോകന്‍, കേരള കോണ്‍ഗ്രസ് സെക്കുലര്‍ വൈസ് ചെയര്‍മാന്‍ എ.എ എബ്രഹാം, ജേക്കബ് തുമ്പയില്‍ തുടങ്ങിയവരും പങ്കെടുത്തു.