ലഖ്‌നോ: ഉത്തര്‍പ്രദേശിലെ സമാജ്‌വാദി പാര്‍ട്ടിയിലെ തര്‍ക്കം പരിഹരിക്കാന്‍ അധ്യക്ഷന്‍ മുലായം സിങ് യാദവിന്റെ നാലിന നിര്‍ദേശം. മുഖ്യമന്ത്രി അഖിലേഷ് യാദവും പിതൃ സഹോദരന്‍ ശിവപാല്‍ യാദവും തമ്മിലുള്ള തര്‍ക്കം തീര്‍ക്കാനാണ് മുലായത്തിന്റെ ശ്രമം.
ശിവപാല്‍ യാദവിനെ പാര്‍ട്ടിയുടെ ഉത്തര്‍പ്രദേശ് ഘടകം പ്രസിഡന്റായി നിലനിര്‍ത്തും.
ശിവപാലില്‍ നിന്ന് അഖിലേഷ് എടുത്തു മാറ്റിയ വകുപ്പുകള്‍ തിരിച്ചു നല്‍കും. അടുത്ത വര്‍ഷം നടക്കുന്ന നിയമസഭാ തെരഞ്ഞെടുപ്പിലെ സീറ്റ് കാര്യത്തില്‍ തീരുമാനമെടുക്കാന്‍ അഖിലേഷിന് സുപ്രധാന പങ്ക്. അഖിലേഷ് പുറത്താക്കിയ ഖന മന്ത്രി ഗായത്രി പ്രജാപതിയെ മന്ത്രിസഭയില്‍ തിരിച്ചെടുത്ത് പുതിയ വകുപ്പ് നല്‍കും തുടങ്ങിയവയാണ് നാലിന നിര്‍ദേശങ്ങള്‍. സമാജ്‌വാദി പാര്‍ട്ടി ഒരു കുടുംബം പോലെയാണ്. ന
അഭിപ്രായ ഭിന്നതകള്‍ ഉടലെടുത്തേക്കാം. ശിവപാല്‍ യാദവും അഖിലേഷും തമ്മില്‍ ഒരു പോരുമില്ലെന്നും മുലായം പറഞ്ഞു. തെരഞ്ഞെടുപ്പ് സമയമായതിനാല്‍ പാര്‍ട്ടി പ്രവര്‍ത്തകര്‍ എല്ലാവരും ഒന്നിച്ചു നില്‍ക്കണമെന്നും മുലായം നിര്‍ദേശിച്ചു.