കണ്ണൂര്‍: പരിയാരം പിലാത്തറ കോ-ഓപ്പറേറ്റീവ് കോളജിന് സമീപത്തെ ആളൊഴിഞ്ഞ സ്ഥലത്ത് ദുരൂഹ സാഹചര്യത്തില്‍ നിര്‍ത്തിയിട്ട കാറില്‍ രക്തക്കറ. കാറിന് സമീപത്തായി സ്ത്രീകളുടേയും കുട്ടികളുടേയും ഉള്‍പ്പെടെ വസ്ത്രങ്ങളും ബാഗുകളും ചെരുപ്പുകളുമെല്ലാം ചിതറിക്കിടക്കുന്നുണ്ട്. 

തലശേരി രജിസ്‌ട്രേഷനിലുള്ള ഗ്രാന്‍ഡ് വിറ്റാര കാറാണ് ഉപേക്ഷിക്കപ്പെട്ട നിലയില്‍ കണ്ടെത്തിയത്. കാറിന്റെ മുന്‍ഭാഗം ഇടിച്ച് തകര്‍ന്ന നിലയിലാണ്. രാവിലെ നടക്കാനിറങ്ങിയവരാണ് കാര്‍ കണ്ടത്. ഉടന്‍ തന്നെ പൊലിസില്‍ അറിയിക്കുകയായിരുന്നു. സംഭവത്തില്‍ പൊലിസ് അന്വേഷണം ആരംഭിച്ചിട്ടുണ്ട്. ആരുടെ ഉടമസ്ഥതയിലുള്ളതാണ് വാഹനമെന്നും ആരൊക്കെയാണ് ഇതിലുണ്ടായിരുന്നതെന്നുമുള്‍പ്പെടെയുള്ള കാര്യങ്ങള്‍ പൊലിസ് അന്വേഷിച്ചുവരികയാണ്. 

A parked car found in Kannur has become the focus of a police investigation after bloodstains were reportedly discovered inside the vehicle. Adding to the mystery, clothes believed to belong to women and children were also recovered from the vicinity.