കോഴിക്കോട്: ശ്രീനാരായണ ഗുരുവിനെതിരേയും എസ്.എന്‍.ഡി.പിക്കെതിരേയും ഇക്കാലമത്രെയും സ്വീകരിച്ച നടപടി തെറ്റാണെന്ന് പറയാന്‍ മുഖ്യമന്ത്രി തയ്യാറാകാണമെന്ന് ബി.ജെ.പി സംസ്ഥാന ജനറല്‍ സെക്രട്ടറി എം.ടി രമേശ്. ഗുരുവിനെ പ്രകീര്‍ത്തിച്ചു പിണറായി നടത്തിയ പ്രസംഗം ഗുരുവിനെ ചുവപ്പണിയിക്കാനുള്ള ശ്രമത്തിന്റെ ഭാഗമാണെങ്കിലും വിലപോകില്ല. ശ്രീനാരായണ ആശയങ്ങള്‍ സ്വീകരിക്കുന്നതില്‍ തെറ്റില്ലെന്ന് എന്നു പിണറായി പറഞ്ഞത് പശ്ചാത്തപിച്ചിട്ടാവണമെന്നും എം.ടി രമേശ് പറഞ്ഞു.

എസ്.എന്‍.ഡി.പിയുടെ പ്രവര്‍ത്തനങ്ങള്‍ മലബാറിലേക്ക് വ്യാപിപ്പിച്ചപ്പോള്‍ കായികമായി നേരിട്ട സി.പി.എം നയത്തെ തള്ളിപ്പറഞ്ഞ് മാപ്പു പറയുകയാണ് പിണറായി ചെയ്യേണ്ടതെന്ന് രമേശ് പറഞ്ഞു.