മലപ്പുറം: സംസ്ഥാന സര്‍ക്കാരും നെട്ടൂര്‍ ടെക്‌നിക്കല്‍ ട്രെയ്‌നിംഗ് ഫൗണ്ടേഷനും സംയുക്തമായി പട്ടികവര്‍ഗ  വിഭാഗക്കാര്‍ക്കായി തൊഴിലധിഷ്ഠിത ഡിപ്ലോമ സര്‍ട്ടിഫിക്കറ്റ് കോഴ്‌സുകള്‍ നടത്തുന്നു. മൂന്നു വര്‍ഷം  ദൈര്‍ഘ്യമുള്ളതും ഒരു വര്‍ഷം ദൈര്‍ഘ്യമുള്ളതുമായ കോഴ്‌സുകളുണ്ട്. പ്രവേശന പരീക്ഷയില്‍  അര്‍ഹതനേടി തെരഞ്ഞെടുക്കപ്പെടുന്നവര്‍ക്കു താമസമുള്‍പ്പെടെ എല്ലാ ചെലവുകളും പട്ടികവര്‍ഗ വികസന വകുപ്പു വഹിക്കുന്നതാണ്.
കോഴ്‌സിലേക്കു തെരഞ്ഞെടുക്കുന്നതിനുള്ള പ്രവേശന പരീക്ഷ സെപ്റ്റംബര്‍  22 നു നിലമ്പൂര്‍ ഐ.ജി.എം.ആര്‍. സ്‌കൂള്‍, 23 നു വെറ്റിലപ്പാറ ഹയര്‍സെക്കന്‍ഡറി സ്‌കൂളിലും  നടക്കും. പത്താം ക്ലാസ് പാസായ 24 വയസു വരെയുള്ള പട്ടികവര്‍ഗ വിഭാഗക്കാര്‍ക്ക് അപേക്ഷിക്കാം.  കൂടുതല്‍ വിവരങ്ങള്‍ക്ക് 8606190101.