എടച്ചേരി: അധ്യാപകനും എഴുത്തുകാരനുമായ പി.എ നൗഷാദ് വിവര്‍ത്തനം നിര്‍വഹിച്ച അക്ബര്‍ കക്കട്ടിലിന്റെ ഇംഗ്ലീഷ് കഥാസമാഹാരം 'സെലക്ടഡ് സ്റ്റോറീസ് ഓഫ് അക്ബര്‍ കക്കട്ടില്‍' ഇന്നു പ്രകാശനം ചെയ്യും. കോഴിക്കോട് അളകാപുരി ഹോട്ടലില്‍ നടക്കുന്ന ചടങ്ങില്‍ എം.പി വീരേന്ദ്രകുമാര്‍, എം.കെ മുനീര്‍ എം.എല്‍.എക്കു പുസ്തകം നല്‍കി പ്രകാശനം നിര്‍വഹിക്കും. പേരോട് എം.ഐ.എം ഹയര്‍ സെക്കന്‍ഡറി സ്‌കൂള്‍ അധ്യാപകനായ നൗഷാദ് ഇതിനകം ഇംഗ്ലീഷില്‍ നിരവധി പുസ്തകങ്ങള്‍ രചിച്ചിട്ടുണ്ട്. ഡ്രീംസ് ആന്‍ഡ് ടിയേഴ്‌സ്, ബിയിങ് ഇന്‍ടു ഇന്‍ഫിനിറ്റി, ലവ് ആന്‍ഡ് ലവ് ഇംഗ്ലീഷ് കവിതാ സമാഹാരങ്ങളാണ്. 2014ല്‍ ഇന്ത്യന്‍ ഇംഗ്ലീഷ് എഴുത്തുകാര്‍ക്കുള്ള അംഗീകാരമായ ഇന്ത്യന്‍ റൂമിനേഷന്‍സ് അവാര്‍ഡും നേടിയിട്ടുണ്ട്.