തിരുവനന്തപുരം: ക്ഷേത്രോത്സവവുമായി ബന്ധപ്പെട്ട പരിപാടിക്കിടെ ആക്രമണം നടത്തിയെന്ന കേസില്‍ ബി.ജെ.പി കൗണ്‍സിലര്‍ ആര്‍. സുഗതനെ ഇന്ന് വൈകിട്ട് 5.30 വരെ പൊലിസ് കസ്റ്റഡിയില്‍ വിട്ടു. ആക്രമണത്തിന് ഉപയോഗിച്ച ആയുധം കണ്ടെത്തണമെന്ന പൊലിസിന്റെ ആവശ്യം പരിഗണിച്ചാണ് കോടതിയുടെ നടപടി.

കേസിന്റെ പ്രാധാന്യവും ഗൗരവവും കണക്കിലെടുത്ത് അന്വേഷണം നടത്തണമെന്നും തെളിവെടുപ്പ് പൂര്‍ത്തിയാക്കിയ ശേഷം സുഗതനെ കോടതിയില്‍ ഹാജരാക്കണമെന്നും കോടതി പൊലിസിന് നിര്‍ദേശം നല്‍കി.

ALSO READ: ഭരണപക്ഷവും പ്രതിപക്ഷവും കൈകോര്‍ത്തു; എഫ്.സി.ആര്‍.എ നിയമഭേദഗതിക്കെതിരേ നിയമസഭ പ്രമേയം പാസാക്കി, എതിര്‍ത്ത് ബി.ജെ.പി 

അതേസമയം, പൊലിസ് മോശമായി പെരുമാറിയെന്ന് ആര്‍. സുഗതന്‍ കോടതിയില്‍ പരാതി ഉന്നയിച്ചു. വാഹനത്തില്‍വെച്ച് തന്നെ അപമാനിച്ചെന്നാണ് അദ്ദേഹത്തിന്റെ ആരോപണം. ഇതോടെ, ആരാണ് പ്രതിയെ വൈദ്യപരിശോധനയ്ക്ക് കൊണ്ടുപോയതെന്ന് കോടതി ചോദിച്ചു. വിയ്യൂരില്‍ നിന്ന് കൊണ്ടുവന്ന പൊലിസ് ഉദ്യോഗസ്ഥര്‍ തന്നെയല്ലേ മെഡിക്കല്‍ പരിശോധനയ്ക്ക് കൊണ്ടുപോയതെന്നും കോടതി നിരീക്ഷിച്ചു.

കസ്റ്റഡിയില്‍ ലഭിക്കാത്ത പ്രതിക്കൊപ്പം വട്ടിയൂര്‍ക്കാവ് എസ്.ഐ എങ്ങനെ പോയെന്നും കോടതി ചോദിച്ചു. സുഗതനെ പൊലിസ് മനപ്പൂര്‍വം വേട്ടയാടുകയാണെന്ന് പ്രതിഭാഗം കോടതിയില്‍ വാദിച്ചു. തുടര്‍ന്ന് സി.ഐയോ മറ്റ് ഉത്തരവാദിത്തമുള്ള പൊലിസ് ഉദ്യോഗസ്ഥരോ ഹാജരാകണമെന്ന് കോടതി നിര്‍ദേശിച്ചു. ഹരാസ്‌മെന്റിനെക്കുറിച്ചുള്ള പരാതി ഉയര്‍ന്ന സാഹചര്യത്തില്‍ എങ്ങനെ പ്രതിയെ പൊലിസിനൊപ്പം വിടാനാകുമെന്ന ചോദ്യവും കോടതി ഉന്നയിച്ചു. സുഗതന്റെ പരാതി കോടതി രേഖപ്പെടുത്തുകയും ചെയ്തു.

അതേസമയം, ഒരു മാസത്തിനകം ജാമ്യം നേടി കൗണ്‍സിലറായി സത്യപ്രതിജ്ഞ ചെയ്യാന്‍ കഴിഞ്ഞില്ലെങ്കില്‍ ആര്‍. സുഗതന് കൗണ്‍സിലര്‍ സ്ഥാനം നഷ്ടമാകും.

BJP councillor R. Sugathan has been remanded to police custody till 5:30 pm today in a case related to an attack during a temple festival event. The court granted custody after police said they needed to recover the weapon used in the attack.